ڕۆژا خاس جوانكرنێ ( هلێل سوارکرن) ل گوندێ مەھەتا كەڤن
مەهدی حەسەن 
رێ ھەبوو مەعریفەتە
ئیمان ھەبوو تەریقەتە
ئەوێ رۆژێ كانیا سپی بۆ مێرا كربوو قوبلەتا .
ھەر سال پشتی عیدا جەمایێ ئینیا ئێكێ رۆژا خاس جوانكرنێ یە ل گوندێ مەھەتێ و دکەنە ئۆغلەما خاسا ئەوژی نوژەنكرنا مناسب خاسێن گوندی یە و هەر بڤێ هەلکەفتێ هەر (٣) سالا جارەکێ هلێلا قوبا ئێزی نوژەندکەن ب رێ و رەسم خەلکێ گوندی هلێلێ د بەنە زیارەت و ل بەر کانیا سپی مۆردکەن و ڤەدگەرینن و رۆژا دی ب حازریا گوندیا ڤێ هلێلێ سواردکەن هەر حمدللە ئەڤ سال ل ڤێ ئۆغلمەما خاسێن گوندی گوندیا هلێلا قوبا ئێزی ژی مۆرکرن ل بەر کانیا سپی ل پەرستگەها لالش، هەر بوزانین ل گوندێ مەھەتا كەڤن مناسبێ ( ئێزی و پیرافات) ھەنە ھەمی خەلكێ گوندێ بڤێ هەلکەفتێ ل بەر مناسبێ گوندی قوبا ئێزی و مەزارگەھێ پیرافات خرڤەدبن و مالا مجێوری سماتێ حازر دكەن و ھێڤاری مجێور بانگدەت سوباھی رۆژا خاس جوانكرنێ یە و ھەر مالەك كابانی زادەكی حازردكەن و د ئیننە بەر قوبێ و مەزارگەھێ پیرافات ، ھەر چەندە ل زەمانێ بەرێ ئەڤ خاس و مەزارگەھێن باب چاكا ب ھەریێ دروستكرن و ھەمی خەلكێ گوندی حازر دبوون و وەك زبارە پێكڤە خێرا خو د كرن ئەو خاس نوژەن دكرن بەلێ نھو ب كاشی و مەرمەری دروستكری نە ئەڤ مەزارگەھ بەلێ ریهسپی و گوندی و کەسانێن ئولی ل جڤاتا مجێوری خرڤەدبن و گوندی سماتێ د ئینن بەر قوبێ و پێكڤە زیارەتی مەزارگەھی دبن و ڤێ رۆژێ ل ئێكو دوو پیرۆز دكەن و ھێڤاری ھەمی ژن و كچ و بوك بەرەف مەزارگەھێ گوندی و قوبا ئێزی ڤە د چن و زیارەتی دبن و ب رۆژەکا پیرۆز و خوش د بورینن، ئەڤ رێ و رەسم ھەر سال ھەنە و هەگەر پێتڤی بن هەر سێ سالا جارەکێ دێ ھلێلا ژی سوار كەن ل ڤێ رۆژێ هەر حمدللە ئەڤ سال جارەکا دی مە هلێل ب رەوشەکا تەنا هاتە نۆژەنکرن و مورکرن و بلندکرن ب گۆتنا قەول و قەسیدا و حازریا هەمی گوندیا و هلهلاندنا ژنا هلێل هاتە سوارکرن
چەند سەبەقێن پیرۆز ژ بەیتا كانیا سپی :-
بەرێ نە ئەرد ھەبوو نە ئەسمانە
قودرەت و محبەت لێك گەرانە
كانیا سپی ژ باتندا یە ب خودانە
*
ئاڤا كانیا سپی قودرەتە
مەھدەرە ل ئاخرەتێ شەفائەتە
فەرزە ئێقینە لۆقەتە
*
مۆرا كانیا سپی فەرە
ژ بۆ ئینسانی مەھدەرە
فروار ژ مەلكێ ئەكبەرە
*
مۆر ل كانیا سپی یە
رۆژی ب ناڤێ ئێزی یە
خودا فەرە و ھەقی یە
يێ تەمام خودێ یە
تُتاح هذه الصورة أيضا في: کوردی
