فهیك نیوز شهرێ جیهانيێ نوو
دلگهش نهواف
فهیك نیوز ژ ههوالهكا دهرهو پێكهاتییه, و ل سهر بنهمایهكێ نهراست هاتییه دورستكرن ب مهرهما ب دهستڤهئینانا ئارمانجهكا راستهقینه ئهوژى ب رێیا سهردابرنا خهلكێ.
پهیڤا “Fake news” ژ زمانێ ئینگلیزی هاتییه و ب زمانێ عهرهبی دبێژنێ”أخبار كاذبة” ب زمانێ كوردی ژی دبێژنێ”ههوالێن سهخته ئانكو دهنگوباسێن بێ بهلگه”, گهلهك جاران دناڤ جڤاكی ده دبێژنێ نوچهيێن دهرهو، ههر ژ كهڤن ده ئهڤ كێشه ل زۆربهیا وهلاتێن جیهانێ ههبوویه ب تایبهت ژی ئهو وهلاتێن پرسێن ئابوری ههيى یان سیاسهتا وان یا نهيا جێگير, لێ پشتی پێشكهفتنا تهكنهلۆجیایێ ل جیهانێ دهركهفتنا ئامیرێن نوو و دروستكرنا پهیوهندیێن بێ ههست و روح ب رێكا تۆرێن كۆمهلایهتی نوچهيێن دهرهو پتر ل جيهانێ بهلاڤ بوويه.
مهبهست ژ بهلاڤ كرنا “Fake news” چیه؟
-دورئێخستنا جهماوهری ژ دهستههلاتێ.
– مهرهمێن دارايی و ب دهست ڤهئینانا قهزانجا.
– سهردابرنا خهلكێ ژ جههكی بۆ جههكی دیتر.
-دروستكرنا شهرهكێ ناڤخۆيى.
گهلهك جاران بێ مهبهست “fake news” دهێنه بهلاڤكرن, نهشارهزایا د بوارێ راگههاندنێ ده و نهبوونا ژێدهرهێن باوهرپێكری، بهلاڤ كرنا دهنگوباسێن “fake news” دبته ئهگهرێ ژدهست دانا بهایێ ئهوی دهزگههێ بهلاڤ كری و ئهڤ چهنده دبته ئهگهر باوهرییا خوهندهڤان و بینهری ب ئهوان نهمینت.
ل گۆرهی راپۆرتا سالا 2019 یا كۆمیتا پارێزگارییا رۆژنامهڤانان {45}رۆژنامهنڤیس ل جیهانێ ب سهدهما “Fake news” هاتینه دهستهسهركرن.
ژبهر نهبوونا یاسایهكێ ل ههرێما كوردستانێ بهلاڤ كرنا “fake news “ ژلایێ ئهكاواندێن نهناس ڤه دناڤ سوشیال میدیایا ده بوویه تشتهكێ نۆرمال.
