جەژنا جەمایێ و کۆمەکا ڕێ وڕه‌سم وسومبلێن ئێزدیاتیێ
ئەلیاس نەعمۆ خەتاری
مللەتێ ئیزدی ب رێ ورسم وعید وعەرەفات وعرف وعاداتێن خۆ ئی دیارە لەوما ساخکرن و بوتە بێدان وخەمخۆری دڤی بواریدا وھەرکەسەکی ژئالیێ خۆدڤە نیشانا سەرکەفتنێ وپێشفەبرنا ئاینێ ئێزدیاتیێ یە و برێڤەبرنا دابونەریتێن مە ئێزدیانە دگەل پێشکەفتنا جیھانێ ئت ھەموو واراندا و تایبەت ئەف پێشکەفتنا ھۆسا یە مەزن و بەرفراھ ئت بوارێن راگەھاندن و ئەنترنێت وئەلکترۆنیدا .
ھاتنا جەژنا جەمایێ و ساخکرنا رێ ورسمێن ھەر ھەفت رۆژێن جەژنا جەمایێ نیشانا ئارامایێ و ئیمناھیا ھەرە بەرفراھ یا لژیر سیبەرا حکومەتا ھەرێما کوردستانێ پەیدابوی و ژ ئالێ دیڤە گێران و بەردەوامی دان ب ڤان رێ و رسمان وێ چەندێ خویا دکەت بۆ ھەموو چیھانێ کو ملڵەتێ ئێزدی ب درێژیا مێژوویێ ب سەدان فەرمان لسەر رابۆینە وخەلکێ ئێزدی ئێ بێ گونەھ ب ھزارەھان ھاتینە کوشتنە ورەڤاندن وماڵ وملکێ وان ھاتیە ژناڤبرنە لێ ئەو دوژمنێن خودان مەژیێن گەنی کو ئارمانجا وان ژناڤبرنا ملڵەتێ ئێزدی بوو ئەو ھەموو جۆرە دوژمن ژناڤ چۆن و ئێزدی ئیرۆ رۆژ بسەر بلندی جەژنێن خۆ دگێرن ، لەوما گێران و بریڤەچۆنا رێ ورسمێن چەژنا جەمایێ دناڤا سەقایەکی ئارامدا رەمانەکە مەزن ددەت و پەیامەکە مەزن دگەھینتە ھەموو جیھانێ کو ئیرۆ رۆژ جمایا شیخادێ ل لالشا پیرۆ بویە خۆزیکا ھەمو خەلکێ یە کو سەرەدانا لالشا پیرۆز بکەن و پشکداریێ درێ و رسمێن ڤێ جەژنا ھوسا یەمەزن و پیرۆزدا بکەن.
ھەلبەت ئەڤ ساڵ دێ جودا بت ژ ساڵێن بەرێ لدیف پێزانینێن گەھشتینە مە رێ و رسمێن جەژنا جمایا شیخادی ل ڤێ سالێ دێ فەرق و جوداھیەک ھەبت دگەڵ ساڵێن بۆریدا ، ژبەرکو ئەڤێ ساڵێ و دکۆمبونەکە بەرفراھدا کو ژلایێ میری و بابێ شێخ وکەساتێن ئاینێ ئێزدیاتیێ ورەشەنبیر وخودان ئەزمون پشتی پێکڤە جڤین ژمارەکە بریارێن نوی دەرئێخستن دەربارەی گێرانا رێ و رسمێن جەژنا جەمایێ ئەوژی ژبۆ خزمەتا خەلکێ مە وداکو ئەڤ جەژن ب شێوەکی جوان وسەرکەفتیانە برێڤە بچت ، ژوان بریارە خەلکێ سەرەدانا لالشێ دکەن دڤێتن جلوبەرکێن پاراستی ل بەرخۆبکەن و بتر ژ دیلانا دەرێ کانیێ لبەر دەنگ و ئاوازێن دەف و شەبابا چو جۆرە مۆزیک ودیلان نابن و گەلەک چاڤدێری دێ ھەبت ل ھەموو رۆژێن جەژنێ ب ئاناھیا خودێ مەزن .
جەژنانا جەمایێ ئێکە ژ جەژنێن دێرینێن مە ئێزدیان ، رێ رسمێن ڤێ جەژنێ بۆ ماوێ ھەفت رۆژان لناڤا گەلیێ لالشا پیرۆز پرێڤە دچن ، ھەر ژ رۆژا ( ٢٤ ھەتا ٣٠ ) ی ئێلونا رۆژ ھەلات ، ئانکو ژ ( ٧ ھەتا ١٣ ) ی چریا ئێکێ ب ھژمارا زاینی ل پەرستگەھا پیرۆزا لالش دئێنە گێران .
مە ژ ئادیا بەخشە
ب وێ قوبێ کەم سەری ل عەرشا
جەمایا مێرا وا ل لالشە
ژ رێ و رسمێن جەژنا جەمایێ :
– ھەموو ھێڤارا چراێن ئاقد و خاسا دئێنە ڤێخستن .
– ھەر کەسەی ئێزدی بچتە جەژنا جەمایێ دڤێتن ل نیشانێن خاسا زیارەتی بت و بچتە سەر حەودا وکانیا سپی و زمزمێ و مەزارگەھێن شێخ وپیرێن خۆ زیارەتیبت .
– ل ھەموو ھێڤارێین عیدێ سەما تێتە کێشان دگەل قەول وسەبەقا ودەف و شەبابا .
– رێ و ڕسمێن قەنتارێ دئێنە گێران .
– ل ڕۆژا چاڕێ ژ جەژنێ پەری دئێنە سوارکرن .
– ل رۆژا پێنجێ ژ جەژنێ ڕێ و ڕسمێن قەپاغێ دئێنە گێران .
– ل رۆژا شەشێ ژ جەژنێ بەرێ شباکێ دئێتە سوارکرن .
– کەسێ نەی مۆرکریبت ب ئاڤا کانیا سپی دئێتە مۆرکرن .
– ھەمو سەردەریێن خاسا سماتێ چێدکەن .
– ل رۆژا دوماھیکێ ژ جەژنێ تاوس دئێتە جوانکرن .
ھەلبەت ئێزدی ژ ھەمو دەفەرێن ئێزدیان قەستا پەرستگەھا لالشێ دکەن تایبەن ژ دەرڤەی وەلات ب مەرەما زیارەتبونێ و پشکداریێ دڤێ جەژنێدا ، دیندار و ئۆلدارێن ئاینی وسەردەرێن خاسا دڤێتن بەری ھنگی ل لالشێ حازربن ژبۆ ئامادەکارێ وپێشوازیا مێھڤانێن جەمایێ ، ھڤیدارێن ژ خۆدێ و تاوسی مەلەک ئەڤ جەژنە جەژنا خێرێ بت لسەر مللەتێ مە یێ ئێزدی و ھەموو دونیاێ .
تُتاح هذه الصورة أيضا في: کوردی
