دئێزدیاتیێ دا ئاقل هەدایەتا خودێ یە
پير خه‌لات ئلياس
د ئێزدیاتیێ دا ئاقل هەدایەتا خودێ یە ژ دەهێکا باتنێ هاتیە لەوما ژ ئەدەبێ دینێ ئێزدیان دایە دیارکرن و رۆنکرن و ژ قەولێ مشتاقێ سێبۆرم دبێژت:
ئاقل هەدایەتە
هنجی مێرێ ب تەربیەتە
ئەو روحا ل بەر پەدشێ خۆ یەب عزەتە .
رۆژەکێ حاکمەکی ل دیوانا خۆ پرسەک کر و ل دماهیێ گۆت: هەر کەسێ بەرسڤ و شرۆڤا پرسا من بدەت دێ وی خەلات کەم.
پرسا حاکمی گۆت:
ئێک نابتە دوو
دوو نابتە سێ
سێ نەبتە چار
چار نابتە پێنچ
پێنچ نابتە شەش
شەش نابتە هەفت
هەفت نابتە هەشت
هەشت نابتە نەهـ
نەهـ نابتە دەهـ
دەهـ نابتە یازدە
یازدە نابتە دووازدە
دووازدە نابتە سێزدە.
ئەڤ پرسا ل ناڤ خەلکێ بەلاڤە بوو و سەد خۆزکا یێ بەرسڤێ بزانت دێ ئێتە خەلاتکرن.
ئاقل مەندەکی خۆ کێشا دیوانخانا حاکمی و گۆت: ئەزێ هاتیم بەرسڤا پرسا حاکمی بدەم.
غولامەکی گۆتە حاکمی: ئەزبەنی ئەڤ لاوەک وێ هاتی دێ بەرسڤا پرسێن تە دەت.
حاکمی گۆت: بلابێتە ژۆر و هات و سلاڤ کر و حاکمی گۆت: راستیێ بێژە تو دێ قاری بەرسڤا پرسا من بدەی و کێ بەرسڤ و شرۆڤە نیشا تەداینە.
ئاقل مەندی گۆتە حاکمی:
ئاقلێ د سەرێ من دا هەدایەتا خودێ یە و
خودێ بەرسڤ و شرۆڤە وێن داینە من.
حاکمی گۆت: کەرمکە بەرسڤا من شرۆڤە بکە
ئاقل مەندی گۆت: حاکمێ من پرسا تە
ئێک نابتە دوو : ئەڤە راستە و خودێ ئێکە و نابتە دوو.
دوو نابتە سێ : ئەڤە راستە و شەڤ و رۆژ دوونە و نابتە سێ.
سێ نابنە چار: ئەڤە راستە سووندا قەسەمێ سێ نە اللە و تللە و بللە و نابنە چار.
چار نابنە پێنچ: ئەڤە راستە سال چار وەرزن و نابتە پێنچ.
پێنچ نابنە شەش: ئەڤە راستە فەرزێت عیبادەتێ پێنجن و نابنە شەش .
شەش نابنە هەفت: ئەڤە راستە شەش رۆژن و رۆژا دی ئینی یە نابتە هەفت.
هەفت نابنە هەشت: ئەڤە راستە ملیاکەتێن خودێ هەفتن نابنە هەشت.
هەشت نابنە نەهـ : ئەڤە راسته هەفت بەهشت و دۆژیەکە دبن هەشت و نابنە نەهـ .
نەهـ نابنە دەهـ : ئەڤە راستە رەحمێ ژنێ ب زارۆک دبت ب نەهـ هەیڤا و نابنە دەهـ .
دەهـ نابنە یازدە: ئەڤە راستە دەهێکی بناڤێ خودێیە و دبێژنێ دەهێکی نابنە یازدە.
یازدە نابنە دوازدە: ئەڤە راستە يازدە خەندەکێن کوورن هەفت تارینە چار ژێ بنورن دبنە ئازدە نابنە دوازدە.
دوازدە نابنە سێزدە: ئەڤە راستە سال دوازدە هەیڤن نابنە سێزدە.
حاکمی ئەو لاو خەلات کر ب تەرازوەکە زێڕی و گۆتێ: هەر پەیڤەکە تە ئینا یە زمان ل هەمبەر تەرازوا زێڕی بوو.
حاکمی گۆت: راستە ئاقل هەدایەتە خودێیە و تانجێ زێڕی یە و سەرێ هەر کەسی دا نینە.
تُتاح هذه الصورة أيضا في: کوردی
