د ئـێزدیاتـیـێ دا (پـاقـژی) ژ ئیـمانێ یە
پیر خەلات ئەلیاس
د بیر و باوەرێن هەرین کەڤنار دا و هەتا ڤێ قۆناغا پێشکەفتی هەر کەسێ عیبادەتێ بۆ خودێ بکەت دڤێت ئەو کەس خۆ پاک و تەمیز بکەت هەتا دوعا بێتە قەبول کرن لەوما هەد دەم ئیزدی دبێژن: پاقژی ژ ئیمانێ یە.
ژ ئەدەبێ دینێ ئێزدیان ژ بەیتا سبێ یا شێمس دەتە دیارکرن و دبێژت:
ئیمان ئەوە یا وە بری
هوون چاڤ نەدەنە خەلکێ موشەمری
دا ژ تالیا وە رانەبت کفری.
ژ قەولێ مشتاقێ سێبۆڕم دەت دیارکرن و دبێژت:
هنی جوانێ ل رێ یە
هەموو کریارێت وی چێ یە
ئەو حەبیبێ خودێ یە .
هەر وەسا ژ ئەدەبێ دینی ژ بەیتا جندی دبێژت:
رابە ژ تاری باڤە
قەست بکە مەرزێت ئاڤە
جوانبکە دەستان و چاڤە
ئەڤە بوو عەدەتێ مە زەرباڤە .
رامانا ڤان سەبەقان ژ ئەدەبێ دینێ ئێزدیان دەتە زەلالکرن و دبێژت:
ئیمان ئەوە یا وە بری ئانکو هوون وەکا دلێ خۆ یێ پاک بن ، و گوهێ خۆ نەدەنە مرۆڤێت بێ رێز و عەدەت ، دا تالیا وە یە پاقژبت و نەیە خراب بت ، و هنجی جوانێ ل رێ یە ئانکو هنجی کەسێ پاک و پاقژ ئەو حەبیبێ خودێ یە ، و دبێژت:
رابە ژ تاری باڤە و قەست بکە مەرزێت ئاڤە ئانکو خۆ بشۆ و خۆ پاک و تەمیز بکە پاقژی یە و رێیا باڤ و کالایە بۆ خودێ.
ژ ئەدەبێ دینی دەتە دیارکرن و دبێژت:
رۆژ هلات و چۆ ئاڤە
گەلەک روح کەفتنە داڤە
روحا پاک مە لێ سلاڤە.
رامان ژ ڤێ سەبەقێ دبێژت:
عەمرێ ڤێ دنیایێ ژ روژ هلات هەتا رۆژ ئاڤایە
و گەلە تێنە ڤێ دنیایێ خرابیێ ل خۆ و روحا خۆ کۆم دکەن و دێ کەڤنە داڤێت گونەهباریێ و دێ جزایێ سەر دنیایێ ل رۆژا ئاخرەتێ دەن.
و روحێن پاک ئانکو روحێن پاقژ دێ گەهنە مرازێ و دێ دچنە جنەتا فەردۆس جهێ ئیمانێ.
دئێزدیاتیێ دا یەفەرە ئینسان ل هەموو دەما خۆ پاک و پاقژ بکەت ژ ئالیێ: ئۆلی ـ جڤاکی و زانستی ڤە .. هتد …
تُتاح هذه الصورة أيضا في: کوردی
