شوبات 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

پير خه‌لات ئه‌لياس:دئـێـزدیـاتـیـێ دا کـوشـتن یە حـەرامە

دئـێـزدیـاتـیـێ دا کـوشـتن یە حـەرامە

پير خه‌لات ئه‌لياس

ئەرکانێت ئێزدیاتیێ ب خودێ ناسیێ ڤە دگرێداینە لەوما هەر دەم و هەر وەخت ئێزدیاتی ژ ئالیێ ئەرکان و بیر و باوەرێن ئۆلی ڤە یەپاک و سەرفەرازە.
ژ ئەدەبێ دینێ ئێزدیان دەتە دیارکرن و دبێژت:
یەحەرامە سەلەف و دزی و دەرەوو
و کوشـتن و زنا و خەبەردان ژ نەبوو
و یێ ژ غێری خودێ ڕا سجوودە بوو.
رامانا ڤێ سەبەقێ یەخویایە دەتە زەلالکرن و دبێژت:
دئێزدیاتیێ دا یەحەرامە (ربا ـ دزی ـ دەرەوو ـ کوشــتــن ـ زنا ـ خەبەردان ژ نەبوو و ژبلی خودێ را سجوودە)بوون.
دئێزدیاتیێ دا هەر کەسێ هاتییە سەر روویێ عەردی ئەو خودێ وێ دایی ، و ب تنێ مافێ خودێ یە روحا وی ببەت و هەر کەسێ کوشتنێ بکەت بلا بزانت شاشبوون و تاوان و گونەها وی چەندە لەوما هاتییە دیارکرن و دبێژن:
ئەو روحا خودێ دایی ل ڤێ دنیایێ یەب چاڤ و سەر و زمان و دەست و پێ و کەس و کار و ئێک بێت وی یان وێ بکوژت بلا بزانت ئەوی خۆ کرە شریکێ دان و ستاندنا خودێ ئەڤە گونەها و یەحەرامە.
ژ ئەدەبێ دینی دئێزدیان دبێژت:
خودێ ئێکە ئی بێ شریکە و بێ هەڤالە
وی نە وەکیلە و نە کەفیلە
ئەو وێ ل گەل هەموو دەم و هەیوان و بەدیلە.
پەدشایێ من نوورە
ئەو ژمە نەی دوورە
ئی عالمە ب عەرد و عەزمان و بەحرێت کوورە.
د مێتۆلۆگیا ئێزدیان دا تێتە زانین خودێ یا گۆتی: ئەو کەسێ من دایی ب تنێ ئەز دێ وی بەم و یێ من دایی و هەر کەسێ وی یان وێ بکوژیت ئەز دێ هەق و حسابێ دگەل کەم بەلێ هەر ئێکی و ل رۆژا وی.
لەوما د ئایینێ ئێزدیان دا کوشتن نینە و هاتیە حەرامکرنە ژبەر ب تنێ مافێ خودێیە خولیاقەت هەموو خودێ وێ دایی و بەس ئەو دقارت هەر ئێکی و رۆژا وی ببەت.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi