مـەعـریـفـەت دئــێـزدیـاتـیـێ دا
پیر خەلات ئەلیاس
مـەعـریــفـەت ئـێکە ژ ئەرکـانـێت خـودێ نـاسـیێ
مەعریفەت: رێز گرتنا و زانین و ناسینا قەدر و بەهایێ مرۆڤایە و ژ پیرۆزیێ هاتیە و شاخەکی ئیمانێ یە و مرۆڤێ خودانێ مەعریفەت هەر وەکا هێڤێنێ زێڕێ زەرە ، دیتن و دان و ستاندن و رونشتن دگەل کەسێ ب مەعریفەت سەرفەرازی و گەشبینە ناخ و وەژدانی یە .
مەعریفەت ئەرکانەکا پیرۆزە ژ باوەریێ و ئیمانێ هاتیە لەوما هەر کەسێ ئیمان و باوەریێن وی هەبن ئەو کەس ئی بەختەوەرە و خودان مەعریفەتە و هەر کەسێ وی بناسیت دێ حەژێکەت و رێزێ دەتێ.
ژ ئەدەبێ دینێ هاتیە ژ دوعا یا هێڤاری دبێژت:
یا خودێ تو بدەیە خاترا سوکا مەعریفەتێ
و مێرێ ل بەر بەدلێ دکەت خلمەتێ
دەروێشێ بشەڤ و رۆژێ دکەت عیبادەتێ
هەر پێنچ ڤەرزێن حەقیقەتێ
شێخ و پیر و هۆستا و مەرەبی یارو برێت ئاخرەتێ
یا شێشمس تو مەفەریەکا مە بکەی ل ڤێ جارێ.
ژ ئەدەبێ دینی ل درۆزا خاسان دا تێت و دبێژت:
ب قەدرێ بەرێ شێخ هەمەد
سوکا مەعریفەتێ کریاسێت مالا ئادییا
هەسن دەنا و هەسن پیرک ب قەدرێ
مالا مەزن کەی یا شیخادی عەلەیکە سەلام.
رامان ژڤان هەردوو سەبەقا دبێژت:
مەعریفەت ل جەم خودێ یەب خاترە لەوما سەبەقەیێن ئەدەبێ دینی دبێژت: بدە خاترا سوکا مەعریفەتێ ئانکو یە پیرۆزە لەوما هیڤی و رەجا ل خاترا مەعریفەتێ تێنە قەبولکرن.
ژ ئەدەبێ دینی ژ قەولێ خدر ئەلیاس دبێژت:
سوڕ و مەعریفەت و ئەرکانە
خودێ دانەمن سوبحانە
دزانم چەند قەندەر دوڕ ل بەحرانە.
ژ قەولێ مەلەک ناسردین دبێژت:
بەری نە عەرد هەبو نە بنیانە نە چیا هەبو نە سکانە
رێ هەبو مەعریفەتە و ئیمان هەبو تەریقەتە
ئەوێ رۆژێ کانیا سپی بۆ مێرا دکرە قوبلەتە.
رامان ژ ڤان سەبەقان دبێژت:
مەعریفەت یەگرێدایی سوڕێ و زانایێ یە و دیسان دەتە دیارکرن ژ بەری مەیاندنا کنیاتێ مەعریفەت هەبوو یەگرێدایی رێیا خودێ بوو، لەوما یە فەرە ئیسان خۆ ژ مەعریفەتێ کێم نەکەت و هەر کاڤ و هەر دەم مەعریفەت کلیلا زمانی بت و دێ ب مەعریفەتێ چنە جنەتێ و رێز و سلاڤ.
تُتاح هذه الصورة أيضا في: کوردی
