ئەڤ دنیا سووك و بازارە
پیر خەلات ئەلیاس 
دنیا و ئاخرەت جۆتن ل گۆڕ بیر و باوەرێن سەر دنیا ژ ئالیێ ئۆلی و ئیمانێ ڤە و هەر وەسا ژئالیێ جڤاک و پەروەردێ ڤە هاتیە زمان مرۆڤ ل دنیایێ کارەکی بکەت ب رێیەکا راست و دورست هەتا ژیانا خۆ پێش پێخت و سەرفەرازبت دناڤا گۆمەل و جڤاکا خۆ دە.
لەوما دژیێ فامکرنێ دا ئینسان پێتڤی بەروەردەکە باش و گەشە ژ بۆ پێشە رۆژێ ، هەر وەسا دپێشکەفتنێ دا ژی سووک و بازارە و هندەک ب سەردکەڤن و هندەک ب بن دکەڤن و سەد خۆسکا ب وی کەسی یێ سەربەست و سەرفەرازبت دسووک و بازرێن خۆدا.
ژ دەست پێکا دەرکەفتنا ئینسانا بۆ ناڤ خەلکێ و هەر وەسا بۆ قوتابخانا یان بۆ هەر کارەکی هەموو ڤەدگەرێتە بنیاتەکێ ئەوژی سووکە و خودان وەکا خۆ ژیێ خۆ دەربازدکەت ئەو ژی بازارا وی یە، بەلێ سووک و بازار وێ لسەر روویێ عەردێ ل دنیایێ و هەق و حساب یا ل رۆژا ئاخرەتێ و خودێ هەقێ کەسەکی بۆ کەسەکی ناهێلت و هەقێ خۆ ژی ل کەسەکی ناهێلت و هەقێ کەسەکی ل جەم خۆژی ناهێلت.
ل گۆڕ ئەدەبێ دینی ژ قەولێ مەها دبێژت:
عەبەت ئەل مەعبوود لفتو جەمال
هەر کەسەکی تشتەک هەبت لبال
ئەو دێ ب قوماشێ خۆ بتە دەلال.
ئانکو هەر کەسێ هاتییە سەر دنیایێ ئەو وێ هاتییە سووکا دنیایێ هەکە ئی زانا بوو و رێبەر بوو و خێرخواز بوو ئەو دێ ب سەکەڤت و رۆژا ئاخرەتێ دێ گەهتە جنەتێ.
هەکە ئی نەزان بوو و هەردەمی تەمبەل بوو و نەخێر خواز بوو ئەو چۆ دێ کەفتە بازارا خسارەتێ و دێ بتە رسقێ دۆژێ.
ژ ئەدەبێ دینێ مە ئێزدیان دەتە دیارکرن ژ بەیتا نەسیحەتا دبێژت:
دنیا سووکا و دنیا بازارە
تو رابە قووتێ خۆ ب چالکە
زاد و زادەتێ ئاخرەتێ ب کارکە
وەغەرە ل پشتە وە چی ستیفارە.
دنیا بازارە و سووکا
دنیا یە پیرە و هەرۆ بووکە
هنجیێ جوانە وێ پێ شووکە
دێ بگەرەوێ گرە و ئینتە خوارە .
رامان ژ ڤان سەبەقان دبێێژت:
هەر کەسێ هاژی خۆ نەبت ئەڤ دنیا دێ وی خاپینت و دێ ب سەردا چت و ناگەهتە مرازا خۆ و ل دماهیێ دێ کەفتە بازارە خسارەتێ.
لەوما دڤێت هەر کەس بزانت ئەم ب ساخی وێ ل سووک و بازاران و رۆژەکێ دێ هەق و حسابا ژیێ مە ل گەل مە ئێتە کرن و وەکا قەولێ چی سوبەیەکا ژیێت تارییە دبێژت:
چی سوبەیەکە ژ یێت تاری یە
کارێ وان و مرنێ کری یە
کا خێر و خێراتێن روحا تەژ مورا کرێن چی یە .
رامان ژڤێ سەبەقێ هوون هەڤالێن تفاقێ و تەبایێ بن و هوون هەڤالێن خێرێ و خێرخوازیێ بن و ل رێیا راست رێیا خودێ بن دێ گەهنە مرازێ.
ژ ئەدەبێ دینی دبێژت:
ئەڤ دنیا سووک و بازارە
هوون نەبنە هەڤالێن گونەهبارە
دا ل ئاخرەتێ وە نەبەنە جهێ مەحکوم دارە .
ئێمانەت بلا سووکا وە نەبتە جهێ حەسوودیێ و نەبتە جهێ فەسادیێ و نەبتە جهێ گازندێ ئەڤە هەموو سووکا هوون سووکا خۆ ب خرابیێ دەربازنەکەن ژ ئەدەبێ دینی دبێژت:
گەلەک زمان هەینە ب سەر
قیر د حەلاندن و بەردانە سەر
ئەوبوون یێن ژ نەبویێ دەن خەبەر .
ئەڤ گۆتارا ل خاترا وان روحێن پاک و بەلنگاز و بێ گونەهـ و ب هەناسا خۆ ل ڤێ کنیاتێ درازینە و دەولەمەندێن ئیمانا خۆ نە ل رێیا راست رێیا خودێ مەزن و هەزار سلاڤ بۆ هەموو روحێن پاک و چاک دسووک و بازاران دا.
تُتاح هذه الصورة أيضا في: کوردی
