ئایار 30, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بەختیار قادر:جەژنا چلێ‌ هاڤینێ‌ ل جەم ئێزدیان

جەژنا چلێ‌ هاڤینێ‌ ل جەم ئێزدیان
بەختیار قادر
پشتی 40 ‏رۆژێن چلێ‌ هاڤینێ‌ ب داوی دئێن، ئێزدی رۆژا داویێ‌ دكەنە جەژن،هەر سال بۆ ماوێ‌ سێ‌ رۆژان رێورەسمێن جەژنا چلێ‌ هاڤینێ‌ دئێنە ‏گێڕان،سەردەری و دیندارێن ئایینی رێورەسمان دگێڕن،ئێزدی قەستا پەرستگەها ‏لالش دكەن و د سەر پرا سەلاتێڕا دەرباز دبن، دچنە سەر حەودا كانیا سپی و دەست ‏و چاڤێن خۆ پێ‌ پاقژ دكەن،هەر ئێزدیەكی بچتە پەرستگەها لالش پێدڤیە ل ‏كانیا سپی و دەریێ‌ قاپیێ‌ و زمزمێ‌ و بەرێ‌ شباكێ‌ و نیشانگەهێن خاس و ‏مەزارگەهێن ئایینی زیارەت بكەت.‏
جەژنا چلێ‌ هاڤینێ‌ ل 24 حوزەیرانێ‌ دەست پێ‌ دكەت هەتا ‏‏2/8 بۆ ماوێ‌ سێ‌ رۆژا رێورەسمێن جەژنێ‌ ل پەرستگەها لالش دئێنە گێڕان،د ڤێ‌ جەژنێ‌ دا،ئەو كەسێن نەهاتینە مۆركرن ب ئاڤا كانیا سپی دئێنە مۆركرن،ژ‏بەركو ل نك ئێزدیان ئەڤە فەرزە،دیسان ب هەزاران ئێزدی ل وەلاتی و ژ دەرڤە سەرەدانا لالش دكەن بۆ گێرانا رێورەسمێن جەژنێ‌، هەر بۆ زانین چەندین جەژن ل پەرستگەها لالش دئێنە گیران مینا(جەژنا چلێ‌‌ زڤستانێ‌‌،جەژنا چلێ‌‌ هاڤینێ‌‌،جەژنا جەمایێ‌)،جەژنا چلێ‌ هاڤینێ‌‌ ئێك ژڤان جەژنایە ل رۆژا داویێ‌‌ ژ چلەیی دبتە جەژن،ئختیارێ‌‌ مەرگەهێ‌‌ و جڤاتا روحانی و دەروێش و شكەستی و زانایێن ئایینی و هەر ئێزدیەكی بڤێت ڤان چل رۆژا ب رۆژی دبت دبێژنە وان چلەگر و دڤیا ئەوێن رۆژیا بگرن ل هێڤارا رۆژیا ئێكێ‌‌ قەستا پەرستگەها لالش بكەن و هندەك ئاخێ‌‌ ژ چلەخانێ‌‌ دگەل خۆ هەلگرن،وەكی دیار ئەڤ جەژن ب دەمی ڤە یا گرێدایە دڤان رۆژێن گەرم و درێژ دا زەلامێن ئۆلی و هەر ئێزدیەكی بڤێت چل رۆژیان ژبۆ خودێ‌‌ دگرت ،یانكو ئەو كەسێ‌‌ چلێ‌ هاڤینێ‌‌ ب رۆژی دبت دبێژنێ‌‌( چلەگر).
درۆژا داویێ‌‌ دا ژ چلەیی دبتە جەژن هەر بۆ زانین سێ‌‌ رۆژا ئەڤ جەژن دئێتە گێران ژ (31)ی تیرمەهێ‌‌ هەتا(2)ی تەباخێ‌‌ زایینی و هەر ئێزدیەكی بڤێت قەستا پەرستگەها لالشا نوورانی دكەت لێ‌‌ سەردەری و دیندارێن رێورەسمان دگێرن فەرە ب شەڤەكێ‌‌ بەری گێرانا رێورەسمان ئامادەبن،بڤی ئاوایی رێورەسم دئێنە گێران:
1_ ئێزدی قەستا پەرستگەها پیرۆزا لالش دكەن گەرەكا د سەر پرا سەلاتێرا دەربازبت و بچتە سەر حەودا كانیا سپی و دەست و چاڤێن خۆ پێ‌‌ پاك بكەت.
2_ هەر ئێزدیەكی بچتە لالشا نوورانی دڤێت كانیا سپی و دەریێ‌‌ قاپیێ‌‌ و زمزمێ‌‌ و سندروكا شیخادی و بەرێ‌‌ شباكێ‌‌ و نیشانگەها شێخ فەخر ئختیارێ‌‌ مەرگەهێ‌‌ و مەزارگەهێن شێشمس و شێخ و پیرێن خۆ و ل مەزار و نیشانگەهێن خاسا زیارەتی دبن.
3_ ل هەموو هێڤاران سەما تێتە كێشان و چرایێن ئاقد و نیشانگەهێن خاسا دئێنە ڤێخستن و هیڤی و دوعایا دكەن.
4_ ل هەموو رۆژان سبەیكا پشتی بەیتا سبێ‌‌ و هێڤارا بەری بەیتا هێڤاری رێورەسمێن قنتارێ‌‌ دئێنە گێران .
5_ هەر كەسێ‌ ل ڤێ‌ جەژنێ‌ پشكداربیت خۆ و كەس و كارێن خۆ ب ئاڤا زمزمێ‌‌ سەلا دكەن و كەسێن نە مۆركری ب ئاڤا كانیا سپی دئێتە مۆركرن.
6_ هەموو هێڤارا قەول و بەیت و قەسیدە دئێنە ب رێزكرن و دەف و شبابا لێدخن.
7_ گۆڤەندا دەرێ‌‌ كانیێ‌‌ دئێتە گێران.
8_ سەردەریێن خاسا سماتێ‌‌ چێ‌‌ دكەن.
9_ ل رۆژا داویێ‌‌ ژ جەژنێ‌ تاووس دئێتە جوانكرن و ل گوندا هەر مالەك سەربرەكێ‌‌ سەر ژێدكەن ب هەلكەفتا ڤێ‌ جەژنێ‌.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi