ئایار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سه‌ردار گۆلۆ: جینۆسایدا ئێزدیان يا بەردەوامە

 جینۆسایدا ئێزدیان يا بەردەوامە

سه‌ردار گۆلۆ

کۆمکووژیا  3ی  تەباخا سالا  2014ێ ئه‌وا ژلایێ رێکخراوا تیرورستيیا داعش ڤە هاتیە ئه‌نجامدان كو د وێ رۆژێ دا هێرشى ئێزديێن شنگالێ هاته‌كرن، د ئه‌نجام دا ب هەزارێن سڤيلان هاتنە ئێخسیرکرن و کوشتن و شەهید کرن و زێدەباری گرتنا ب هەزاران کچ و ژنێن ئێزدیان و کرین و فرۆتن ل وەلاتێن عەرەبی دا پێ دهاته‌ كرن.

هەروه‌سا وێرانکرن و تالانکرنا دەڤەرا شنگالێ و ب تایبەت مالێن ئێزدیان و پەقاندنا ب دەهان مەزارگەهێن پیرۆزێن ئاینى يێن ئێزدیان هه‌ر ل وێ دەڤەرێ، مخابن ئەڤە ئەو رۆژا  یا  كو پاراستنا شەرەفا مرۆڤاتیيێ تێدا نەهاتیە پاراستن، لەوما ئەرکێ تایبەت يێ هەر تاکە کەسەکی یە کو ل گۆر قارینا خوە ب ئەرکێ خوە رابت و بزاڤێ بکەت و دەنگێ خوە بگەهینتە وان جهێن مرۆڤایەتی تێدا هەی.

 هەروەسا ئەرکێ وان جهانەژی ب هەموو شێوەیان دەنگێ خوە بلند بکەن، ژبەرکو مرۆڤایەتی نکارت ب پەیڤ و گۆتنان پاراستنا شەرەفا خوە بکەت، مرۆڤايه‌تى پێتڤی ب کریارێ یە ژبه‌ركو مللەتێ د دیرۆکا دنیایێدا ئەو تشتێ ب سەرێ وان هاتی ب سەرێ چ مللەتان نەهاتیە و پێتڤى هاريكاريانه‌، مللەتەکێ کێم هەژمار کو دماوەیێ دوو دەمژمێراندا ب هزاران کەس ژێ هاتنە رەڤاندن و کوشتن و کرین و فرۆتن پێهاتەکرن بێ كو مرۆڤايه‌تی دەنگێ وان گوهـ لێ بت ئەوژی مللەتێ ئێزدیە .

 هەروەسا دڤێت داکۆکی ل سەر چەندين خالێن گرنگ بهێتە کرن ژوانژى  رزگارکرنا ره‌ڤانديێن ئێزدى يێن د دەستێ دەولەتا ئیسلامیدا كو ب (داعش) يا ناڤداره‌، ناسكرنا فرمانا ئێزدیان وەکو جینۆساید، پەیداکرنا ژیانەکا خۆشتر بۆ خەلکێ دەڤەرا شنگالێ و ژ نەخۆشیا کەمپا بێننە ناڤ جەهـ وارێن خوە.

ئەز دبێژم هەر کەسێ ل ڤی دەمی بزاڤێ نەکەت ژبۆ قورتالکرنا شەرەفا مرۆڤايه‌تیێ ژ دەستێ دەولەتا ئیسلامی،  وێ ببتە بەڵگە ل سەر وی كو وی هەستێ مرۆڤايه‌تیێ نینە، ژبەرکو راستە فرمان ب سەرێ شنگالێ هات، لێ شەرەفا هەموو مرۆڤان ل بازارێن دەولەتا ئیسلامی هاتە فرۆتن،  مخابن بۆ وێ حکومەتا کو هزرا هەر تشتەکی دکەت و ب ساڵان شەرەفا خوە د دەستێن دەولەتا ئیسلامیدا یا ناسیار ب (داعش )بهێلت و رۆژەکێ ب ئەرکێ خۆ رانەبت، هیڤیدارین ژ هەر کەسێ هەستێ مرۆڤايه‌تیێ ل بال هەيى ل گۆر کارینا خوە بزاڤێ بکە ژبۆ زێدەبوونا مافێ مرۆڤی هەروه‌سا ئەڤه‌  نەهـ ساڵ دەرباز بوون لسەر ڤێ کۆمکوژیا وه‌سا یا مەزن  یا ب سەرێ  مللەتێ مە هاتی  هەتا نۆكە خەلکێ مە  ئاوارەنە و د ژیانەکا گەلەك بزەحمەت يا ل بن خیڤەتاندا دەرباز دکەن و چ ماف بۆ وان نەهاتیە دابینکرن ژ لایێ حکومەتا عیراقێ ڤە.

سەرەرايی ڤان هەموو نەخۆشیێن ب سەرێ مە هاتین و دیتنا ب دەهان گۆرێن ب کۆمەل ل دەوروبەرێن شنگالێ كو ئه‌ڤه‌ نەهـ ساڵ دەربازبوون و هەتا ڤی دەمی ژی چ گرنگی و لێگەریان پێ نەهاتیەکرن ژ ئالیێ پسپۆر و لێ پرسان ڤە و نەژلایێ حکومەتا عیراقێ ڤە، ئەڤە نەهـ  ساڵ دەربازبوون  هیشتا ب هەزاران ژ خەلکێ ئێزدی ئێخسیرن ل زیندانێت دەولەتا ئسلامێدا یا ناڤدار ب داعش کو دڕنده‌ترین تیرۆرستن ل جیهانێ و چ لێپرسینێت وان نینن ژ لایێ رێکخراوێن نەتەوێن ئێکگرتی و رێکخراوێن مافێ مرۆڤی ڤە، ژبەر وان هەموو ئەگەرێن مە دیار کرین مللەتێ ئێزدی دەست ژ ئاخ و وەلاتێ خۆ بەردده‌ن و کۆچبەری وەلاتێن بیانی دبن ژبەرکو ل وەلاتێن عەرەبیدا ب هەزاران سالن فەرمان تێنا سەر مللەتێ مە، پشتی ڤێ پێشکەفتنا ل دونیایێ ل چەرخێ بیست و ئێکێ  ل سالا  2014  دیسان ئه‌وان پی خواسێن بیابانا ئەو هزر و فکرێن گەمار نوو کرنەڤە  و فەرمانەک ئانین سەر مللەتێ ئێزدی ل شنگالێ.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi