ئازار 05, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ناسر شه‌هوانى:پێكڤه‌ژيان ل شنگالا باب و كالا

پێكڤه‌ژيان ل شنگالا باب و كالا

ناسر شه‌هوانى
پێکڤەژیان گولاک جوانە لناڤ سروشتی کوردستاندا سەرەرای جینۆساید و دەردێ فەرمانێ و ئاوارەبوونا بهەزاران ژ خەلکێ مە لناڤ کامبان دا پتر ژ هەشت ساڵا ئێزدی هەردەم ئاشتی خواز ومرۆڤ دوست بوینە، دەستێ مللەتێ ئێزدی هەردەم د گەل خێر و قەنجیێ بویە و دەڤەرێن ئێزیدیا هەردەم بووینە جهـ و وارێن پێکڤەژیانێ و براتیێ، سه‌رەرای هندێ باب و باپیرێن مه‌ د درێژاهیا دیرۆكێ دا تووشی گەلەک فەرمان و جینۆساید وبارودۆخێن سەخت و دژوار بووینه‌، هەتا ل دوماهیکێ ئەو كۆمكوژیا لسه‌ر ده‌ستێ چه‌كدارێن بناڤێ رێكخراوا ده‌وله‌تا ئیسلامی یا تیرۆری (داعش) دژی ئێزدیان ڕووی دای کو ژ ئەگەری وی بهەزاران کچ وژن هاتنە راڤەندن و زووڵم و زۆرداری ل وان هاتە کرن وبهەزاران خورت بێ گۆنەهـ هاتنە کوشتن، لێ ئەڤ چەندە نابوونە رێگر بەرامبەر مللەتێ ئێزیدی کو حەشێکرن و پاراستن و وەفادارییە خۆ بۆ ئاخا کوردستانێ دووپات بکەن و ببنە سومبلێ پێگڤەژیانێ، ئەو تشتێت ل سروودا ئێزیدخانێ دە تێنە خوەیاکرن ئێزیدی وەک خودان دیرۆک وخوەراگری وخودێ ناس و خودێ پەرەسی، ئاشتی خوازی، پیرۆزیا تۆکی، پیرۆزیا خەرقە، یەکسانی ل نێڤا مێر و ژنێ دە، رێیا خودێ و راستی، ئاشتی و پێکڤەژیان، لێبۆرین، ل قەول و بەیت و تێکستی ئۆلا ئێزدیا دا هاتیە نڤیسین و گوتن، هەگەر توو ئێکی ببینی وخێرەکێ ڤێرا بگەهینی نەبێژێ توو ژکی دینی هەر ئەڤ چەندە بۆ مە دیار دکەت کو ژینگەها مللەتێ ئێزیدی هەردەم ئاشتی و ئارامی و تێگەهشتن وبێ فەرق و جیاوازی وپێگڤە ژیانا، لێ هەر مللەتەک بشێوەیەکی و برێکەکا جودا خۆ دەگەهێنتە خۆدایی و عیبادەتی دکەت، و هەر مللەتەکی پیرۆزیا خۆ تایبەت هەیە ، چ ئێزیدی بێت یان موسڵمان یان ژی مەسیحی بێت هتد ، پێدڤیا هەموو مللەتێن کوردستاندا ئێک و دوو قەبووڵ بکەن و رێزگرتنێ ل بیروباوەڕی ئێک دوو بکەن و بپارێزن دا پێکڤە ببینە کومەکا گولاَن لناڤ سروشتی کوردستانێ و وێنەیەکی جوان ژ مە دە دەرکەڤن، پێدڤیا ستوونا ئاشتی و ئازادی و دیموکراسی و برایەتی و پێکەڤەژیان ل کوردستانێ موکم و بهێز بکەن دا چ جاران ناهێنە ژگەستن بەرامبەر دژمنی.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi