هەبوونا بنگەهێ لالش ساخکرنا چاند وکەلتۆرێ مللەتەکێ خودان دیرۆکە
دلڤين خه‌له‌ف
وەکو دیار ئامادەکاری ژبۆ ڤیستیڤالا لالش یا رەوشەنبیری کو دێ ل پارێزگەها دهۆکێ ل دەمەکی نێزیک ئێتەگێران لەوا مە دڤیا کورتیەکێ لسەر کار وچالاکیێ وگرنگیا هەبوونا ڤێ سازیا رەوشنبیری کو شایستەی باسکرنێ یە بدەین،بنگەهێ لالش ئێک ژئەوان سازیێن رەوشەنبیری وکۆمەلایەتی یێ گرنگە ل سەرانسەری کوردستانێ وبخۆشحالی ڤە ئەڤرۆ بوویە قووناغا تەڤایا نڤیسەر ورۆناکبیرێن مللەتێ کورد وهەر وەسا ناڤێ ئەڤی بنگەهی بوویە سومبولا رەوشەنبیریێ لکوردستانێ کو ل هەر دەمەکی باس ل چاندو کەلەتورێ کوردی دئێتەکرن ئەو ل رێزا سازیێن هەرە گرنگە کو گەلێ کورد شانازیەکا مەزن پێ دکە، دیسان نایێ ڤەشارتن کو هەر ژرۆژا دامەزراندنا بنگەهێ لالش وهەتا نها پوتەکا مەزن بتۆر وچاندێ دێرین یێ جڤاکێ ئێزدی بتایبەت هاتیە دان کو تێدە هەموو دابونەریتێن کوردەواری یێن دیرۆکی ل درێژیا میژۆیێ ژلایێ باب وکالان ڤە هاتینە پاراستن جهێ خۆ دگرن وبەردەوام پێگیریەکا گرنگ پێهاتیە کرن هەر وەسا ئەو بوویە جهێ خەمخۆریەکا مەزن لناڤ تەڤایا پێکهاتەیێن کوردستانێ وهەردەم برێکا ڤی بنگەهی بزاڤ ژبۆ ساخکرنا کەلەتورێ کەڤنار یێ مللەتێ کورد هاتیە کرن وهەر وەسا لسەر ئاستێ سەرکردایەتیا سیاسی یا کوردستانێ ژی هەموو جارا پالپشتی ل کار وچالاکیێن ڤی بنگەهی هاتینە کرن وپوتەکا مەزن بگرنگیا هەبوونا وی هاتیە دان وپشتەڤانێ بیروبۆچوونێ وی بووینە،دیسان نایێ ژبیرکرن کو دئەڤان کاودانێن خراب یێن دەڤەرا مە پێرە دەربازبووین بنگەهێ لالش رۆلەکی بەرچاڤ وباش هەبوویە وخوە ل خەلکێ خوە کریە خودان و لبەر بارێ وان رابوویە دهەموو بواراندە وبتایبەت دگەل خەلکێ مە یێ شنگالێ پشتی رەوشا ئاوارەبوونێ وژیانا ناڤ کەمپان وهەر وەسا بابەتێ هاریکاریا قوتابیێن ئێزدی ل زانکۆ وپەیمانگەهێن سەر ب حکومەتا فیدەرال ڤە وڤەگوهاستنا وان بۆ هەرێما کوردستانێ ودیسان هاریکاریا وان دگەل نڤیسەرێن کورد بگشتی و ئێزدی بتایبەت ومزاختنا چاپکرنا ژمارەکا مەزن ژبەرهەمێن وان یێن هزری ورەوشەنبیری لسەر ئەرکێ خوە گرتین، لەوا ل داویێ دێ بێژین هەبوونا بنگەهێ لالش ساخکرنا چاند وکەلەتورێ مللەتەکی خودان دیرۆکە وخزمەتا وی ژبۆ مللەتێ مە بگشتی جهێ رێزگرتنەکا مەزنە وهەر سەرکەفتی بن.
تُتاح هذه الصورة أيضا في: کوردی
