نیسان 14, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ئیدریس زۆزانی:بیرەوەریا سەرهلدان و سەرکەفتنێ

بیرەوەریا سەرهلدان و سەرکەفتنێ

ئیدریس زۆزانی
سەرهلدانا ئادارا ساڵا ١٩٩١ێ پێنگاڤەکا دیرۆکی یا پیرۆز بوو ژ بۆ تەڤایا گەلێ کورد و ئەڤ رۆژا دیرۆکی بوویە دەستپێکا ژیانەکا ئارام د وەلاتەکی ئازاد دە، سەرهلدانا گەلێ کورد بوویە سەردەمەکی زێرین و دەستکەفتەکی گرنگ وبنەمایەک مکوم ژ بۆ دامەزراندنا بنیاتەکا پۆلایی یا خەلکێ کوردستانێ لڤی سەردەمی، سەرهلدانا مەزن ئەنجامێن قوربانی و بەرخۆدانا گەلێ کوردستانێ و خەباتا قەهرەمانا بوویە، ئەڤ رۆژا دیرۆکی رێکخۆشکرنەكا ئارام و هێور بوویە ژبۆ هەبوونا گەلەکی بەختەوەر و ئازادیخواز د وەلاتەکی ئازاد و سەربەست دا،
هەلکرنا مەشخەلا ئازادیا گەلێ کورد ژ دەستپێکا سەرهلدانا بەهارا سالا ١٩٩١ێ دەستپێکریە و بوویە رێگرتنەكا موکوم ل دژی رەگەزپەرێس و شۆفینیزما رژێمێن دکتاتۆری و دەستپێکا نەمانا زۆلم و زۆرداریێ ل سەرانسەری دەڤەرێ و بتایبەت ل کوردستانێ.
بێگومان ئەڤ چەندە ژی ئەنجامێن سیاسەتا سەرکەفتیانە یا سەرکردایەتیا پارتیا مە و ژیرمەندیا جەنابێ (سەرۆك بارزانی) و خەباتەکا دویر و درێژ و زەحمەت و بەرخۆدانا ساڵێن سەخت و دژوار یێن گەلێ کوردستانێ و خۆراگری و تێکۆشینا پێشمەرگەهێن دلێر و چاڤنەترس و بەرهەمێ خوینا هەزاران شەهیدێن قەهرەمان بوویە.
چریسکێن ئاگرێ سەرهلدانا مەزن کو ل رۆژا ٥ی ئادارێ خەتیرا وێ هەلبووی و بێهنا ئازادیێ ل تەڤایا شار و باژێرێن کوردستانێ شاراندی و بەلاڤ بووی و بێ راوەستان هەتا ٢١ی ئادارا ساڵا ١٩٩١ێ بەردەوام کری و ژ ئەنجامێن وێ زۆربەیا دەڤەرێن کوردستانێ لسەر دەستێ شێرەکورێن ڤی وەلاتی رزگاربووین و ئەڤ چەندە بوویە دەستپێکا بدەستڤەهاتنا مافێ رەوایێ گەلێ کوردستانێ و تیشکێن ئازادیا وێ ب سەر تەڤایا مللەتێ مە دا هاتینە خوار و دەشت وچیایێن کوردستانێ رۆن وگەش کرین.
ئاشکەرایە کو ئەڤ ئازادیا ئەڤرۆ گەلێ کوردستانێ تێدە دژیت بەرهەمێ ئەوێ سیاسەتا حەکیمانە یا سەرکردایەتیا پارتیا مە و راسپاردەیێن جەنابێ سەرۆک بارزانی و خوینا هەزاران کورێن گەلێ کورد و پێشمەرگەهێن قەهرەمان پارێزەرێن خاک و وەلات بوویە و ئەنجامێن سەرهلدانا خەلکێ کوردستانێ ل ئادارا ساڵا ١٩٩١ێ بوویە.
هەزاران سلاڤ لسەر جانێ باقژێ تەڤایا شەهیدێن کوردستانێ و سەرکاروانێ شەهیدان بارزانیێ نەمر و کاک ئیدریسێ هەردەم ساخ و بەرخۆدان وخەباتا بێ راوەستان و ماندیبوونا پێشمەرگەهین وەکە شێر و خۆراگریا خەلکێ شەرفمەندێ کوردستانێ.
پیرۆزە بیرەوەریا سەرهلدانا ئادارا ساڵا ١٩٩١ێ و ئازادیا گەلێ کورد و بەرەڤ وەلاتەکی ئارام و دەولەتەکا سەربخۆ ل ژێر سایا سیاسەتا حەکیمانە یا جەنابێ سەرۆك بارزانی و سیبەرا ئالایێ پیرۆزێ کوردستانێ.
بژی کورد، بژی کوردستان، نەمری بۆ شەهیدان.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi