باندۆرا ئابووری و بازرگانی یا بلندبوونا بەهایێ دۆلاری ل سەر جڤاكی
مللەت محەمەد
ژوان بابەتێن بەردەوام جیێ راوەستیانێ و زۆرترین مژار ل نك پتریا تەخ و چینێن جڤاكی و كۆمەلگەهێ زۆرترین گەنگەشە و دانوستاندن و راوەستیان ل سەر دئێتەكرن هەموو جیهان مژوولی دیتنا ڕێكەكا چارەسەریەكێ نە،ژبۆ بەرهنگاربوونا ڤێ روودانا نەچاڤەرێكری ئەوژی ب كێمترین زیان،نەجێگیربوون یان داكەفتن و بلندبوونا نرخ یان بەهایێ دۆلاری جیهان هەموو ب خۆڤە مژوول كریە و بوویە ئەگەرێ تێكدانا پلان و مكانیزم و ستراتیژیەتا پتریا بكارهێنەرێن ئەڤی جۆرێ دراڤی ب تایبەت و بارزگان و بەلێندەر ب گشتی ب گەهشتنە ب ئارمانجێن خۆ یێن ئابووری و بازرگانی.
داكەفتن و بلندبوون یان گوهۆرینێت بلەز یێن بەهایێ دینارا عێراقی و دۆلارێ ئەمریكی دا رووددەن نەبتنێ بوویە ئەگەرێ دووركەفتنا بارزگانان بۆ بدەستڤەئینانا هیڤی و ئارمانجێن خۆ یێن بازرگانی،رەنگە تەمەنێ وان یێ بارزگانی ژی كورت بكەت و كارتێكرن و باندۆرا ڤان پێشهات و روودانێن ئابووری بتنێ ل ڤێدەرێ نەراوەستت یان بتنێ ئەڤە نەبت رەنگە جڤاك و كۆمەلكەهـ ژی ژێ رزگار نەبت،نەجێگیربوونا بەردەوام و بلەز یا بەهایێ دۆلاری دبتە ئەگەرێ‌َ بلندبوونا بەهایێ شمەك و بەشەخۆراكی ب تایبەت ئەڤ یەكە راستەوخۆ ئاستێ داخوازیێ (گلب) كێم دكەت دەمێ داخوازی ل سەر شمەكان نەما یان كێمبوو بزاڤا دابینكرن یان پەیداكرن یان ئۆفەركرنێ (عرچ) دێ كێم بت ،راستەوخۆ دێ كارتێكرنا نێگەتیڤ ل بزاڤا ڤەلڤینا بازرگانی كەت،د هەمان دەمدا ئەڤ یەكە دبتە سەدەمێ زێدەبوونا ئاستێ هەژاریێ و دیسا دی هەڤسەنگییا یەكسانیێ یان دادپەروەریێ تێك ب چت ،ئەڤ یەكە دی هندەك مەترسییان ل سەر جڤاك و كۆمەلگەهێ ل دووڤ خۆ ئینت ئەڤەژی دبتە گرێكەكا دی ژ گرێكێت ئاسایشا دەولەتێ ب تایبەتی ژی ل وەلاتێن رۆژهەلاتا ناڤەراست،ژبەركو ڕێژا هەژاریێ ل ڤان وەلاتان زۆرترە، ژبەر ڤێ یەكی كارتێكرنا ل سەر وان دێ بتر بت.
لەوران پێتڤیە هەموو شارەزایێن ئابووری و سیاسی و ڕێڤەبەرێن وەلاتی و دگەل دەزگەهێن دارایی و ئابووری ل سەر بەهایەكێ گونجای د جێگیركرنا بەهایێ دۆلاری دا بكەن هزرا خۆ بكەن و داكو بكارن كۆنترۆلا ئاسایشا وەلاتی بكەن،قۆناغا دووێ ژبۆ ب هێزكرن و خورتكرنا ڤەلڤینا ئابووری و بازرگانی دڤێت هزر د داكەفتنا بەهایێ دۆلاری دا بكەن و ئەگەر بڤێن وەلات د كەشوهەوایەكێ بازرگانی و سیاسی و ئابووری و جڤاكی و كۆمەلایەتی دا دەرباز بت.
تُتاح هذه الصورة أيضا في: کوردی
