پەندا مەزن ئەوە ئاسایشا خۆراكی بێتە بهێزكرن
خالد خدر
مە ساڵەك دەربازكر و ئەم كەفتینە ساڵەكا نوو ئەو ژی ساڵا2023ێ یە،ئانكو ئەم كەفتینە ناڤا ساڵەكا نوو یا شێلۆیی و روودانێن وێ نە دیار ، هەر ساڵ ساڵناما مە یاسالێ دووبارە دبتە ڤە تەنها بتنێ ژمارا ساڵێ تێتە گوهارتن،و ئەم دووبارە بیرهاتنێن خۆ ل بیردئینین كامە چ كرییە ومە چ نەكرییە و چ قازانج كرییە و چ ژدەستدایە ؟ و ئەرینییا هەلگرین و نەرینییا لادەین ،ئەگەر ئەم بەراوەردییەكا دروست و ئەرێنی بكەین تشتەكی گرنگتر نینە ژ چاكبوونا ((كۆڤید 19)) كەرەنتینا ساخلەمی مە دەربازكر.
راستە رێكخراوا ساخلەمییا جیهانی هۆشدایێ ددەتن ژ هاتنا پێلێن قوورس یێن پەتایێن هاوشێوە ، بەلێ تشتەكی ڕۆن وئاشكەرایە ئەوا ل ساڵێن(2020 و 2021) ئەم تێدا ژیایین ڕەوشەكا زۆر بترس بوو بسەر هەموو جیهانێ دا بۆری ومە دەربازكر بۆ قۆناغەكا دی ژ پێكڤەژیانێ و پتر زالبوون ل سەر ڤی ڤایرۆسی یێ كو خەلك شەپرزەكری و وەكری تشتێ مە هەیی و نەیی دەستنیشان بكەت،بیاڤێن ژیانێ زڤرینەڤە سیستەمێ خۆ یێ سروشتی ، و جارەكا دی خەلك زڤرینەڤە بۆ گەشتكرنێ و گەریانێ و بۆ كۆمبوونا و خرڤەبوونێن جۆراوجۆر و بۆ كورسیكێن خووندنێ یێن ئامادەبوونێ و بۆ هۆنەری و شانۆیێ و سینەمایێ و مۆزیكێ … ئەڤە هەموو دبتە خالەكا رۆناهیێ یا گەش و گرنگ ل ساڵا 2022 ،چنكو دگەل ژیانا بترسا كۆرۆنایێ و كەرەنتینا ساخلەمی و بێی ژیانا ئاسایی هەموو تشت دبێ ڕامانن،بێگۆمان چاكبوونا ڕێژەیی یە گرنگە نەمازە گرێدانا وێ دگەل بەهاترین تشت ل جەم مڕۆڤان ئەوژی ساخلەمییە،بەلێ دڤێت ژبیر نەكەین دبنەرەتدا دساڵا بۆری دا ژ ئەنجامێ ڤەڕێژا كۆڤید 19 قەیرانەكا ئابووری دروست بوو ،كو ڕێژا كەسێن بێ كار زێدەبوو و هژمارەكا نەیا كێم ژ سازیێن بچووك و ناڤنجی هاتنە دائێخستن ،سەرەرایی كو مەزاختیێن كۆرۆنایێ گەلەك بوون ل سەر وان وەلاتێن بەرپرسایەتییا دانا دراڤێ ژ بودجا خۆ بۆ وەلاتیێن خۆ و قەرەبۆكرنا زیانێن كەرەنتینا ساخلەمی وهتد…، لەوڕا مە ساڵا بۆری دەستپێكر ب ماندیبوون ب سەدەما ڕەنگڤەدانێن ئابووری یێن كوور یا تێتە بناڤكرن پشتی (كۆرۆنا) و دهەماندەمدا قەیرانەكا مەزنتر روودا ئەوژی هلبوونا شەرێ رووسیا و ئۆكرانیا یا كو ئابوورێ جیهانێ هەژاندی و لاوازكری و قەیرانەك مەزن دروستكر ل ئاسایشا خۆراكی دا ب تایبەتی دەخل ودان (گەنم ) كو چەند جاركی بەهایێ وی گران بوو ، هەروەسا بەهایێ سۆتەمەنییا ژی گرن بوو و هەموو كەلوپەڵا و بەرهەمێن پێتڤی سۆتەمەنیا نەمازە ل بەرهەڤكرنێ یان ل ڤەگوهاستنێ دا ،كوئاریشا سۆتەمەنیا گوهۆرینەكێ دئێختە دبەهایان دا دەمێ بەهایێن وان بەرزدبن و قەیران كوورتر لێكر و وەلێكر پتریا وەلاتا بكەڤنە دناڤ قەیرانێن ئابووریێن جۆراوجۆردا، دگەل پەتایا كۆرۆنایێ مەدیت چاوا ساخلەمی كەفتە دمەترسیێ دا وچاوا پرسا مرنێ و ژیانێ زالبوون و هزرا كەرەنتینێ و نە تێكەلیێ و خلیبوونا فڕۆكەخانا ژ ڕێڤینگا و ڤالابوونا جادا ژ خەلكی كۆرۆنایێ ئەم گەلەك شەپرزە وترساندین.
دڤێ ساڵا بۆری دا دگەل قەیرانا دەخل ودانی ئاخفتن دەربارەی (ئاسایشا خۆراكی) كوورتر لێهات بۆ مە دیار بوو كا ئەڤ ئاسایشا ناڤهاتی چەندە گەلێكرییە و چەندە خلۆلەیە تاوی ڕادەیی كو شەرەكی دوور ژ تە ژلایێ جوگرافی ڤە سەدەمە ببتە جیێ گەفلێكرنێ براستی ئەڤ وانە هەموو تژی پەندن و براستیێن رۆن ،پەندا مەزن ئەوە ئاسایشا خۆراكی بهێزكرن ،وەلاتێ زیرەك و شارەزا ئەوە ژئیرۆ وپێڤە هزرا بهێزكرنا كەرتێ چاندنێ بكەت ژبۆ دەستەبەركرنا ئاسایشا خۆراكی.
تُتاح هذه الصورة أيضا في: کوردی
