نیسان 15, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سەردار گولو:ئەگەر ژیانا ئێزدیان بڤی ئاوایی بت دێ‌ تەعریب روودەت!

ئەگەر ژیانا ئێزدیان بڤی ئاوایی بت دێ‌ تەعریب روودەت!
سەردار گولو
هەر دەمەك لاپەرێن مێژوویی دخوونین،دبینین ئێزدی كوردێن رەسەنن،هەر ل سەر ئایینێ‌ خۆ ماینە و بتنێ‌ كوردێن ئێزدی د خۆراگر و خودان هەلویست بووینە و هەتا نۆكە ژی ب هەموو كارەساتێن هاتینە سەر ئێزدیان،ئەم هەر ل سەر ئایینێ‌ خۆ ماینە و ب چ رەنگان ژێ‌ دوورنەكەفتینە و ژێ‌ دوورناكەڤین ژی و خۆ رادەستی چ كەسان ژی ناكەین و كوردستان و ئێزدی ژێك نائێنە جوداكرن.
تیرۆرستێن داعش گەلەك ب سەرێ‌ ئێزدیان ئینا،ژن و زارۆك و پیر و گەنج هەموو ئێخسیر كرن و دەست بۆ دەستی هاتینە فروتن و بازرگانی و دەستدرێژی ب كچ و ژنان هاتەكرن و هەتا ڤێ‌ گاڤێ‌ ژی دنالین ژ دەستێ‌ پێ‌ خواسێن بیابانان دا و ل وەلاتێن عەرەبی دا كرین و فرۆتن ب كچ و ژنێن ئێزدی دئێتە كرن،لەوما خەلكێ‌ مە ژ ژیانا خۆ ل عێراقێ‌ و ل ئاخا باب و كالا بێ‌ هیڤی بووینە و ب رێیێن مرنێ‌ بەرێ‌ خۆ ددەنە وەلاتێن بیانی داكو ژڤێ‌ ژیانا پڕ نەخۆش و ئێش و ژانان قورتالبن.
هیڤی یە جڤاتا رۆحانی یا ئێزدیان ب ئەركێ‌ خۆ رابن و ب هەموو شێوەیان هەول بدەن ئێزدیان ژڤێ‌ نەخۆشیێ‌ و ئاوارەییێ‌ رزگاربكەن،یان ئەگەر ئەڤە نەئێتەكرن ئەگەرا دووێ‌ دێ‌ روودەت ئەو ژی ل سالێن بێت دا ئێزدی دێ‌ ل عێراقێ‌ كێم بن ،ئەڤەژی دێ‌ بتە ئەگەر كو ژ ئەرد و ئاخ و پیرۆزیێن خۆ دوور بن و پاشی دێ‌ بتە مەترسی كو عەرەب ل شنگالێ‌ جارەكا دی دەست ب تەعریبێ‌ بكەن و دەڤەرێن مە ب بەن و بكەنە دەڤەرێن عەرەب نشین مینا ئێزدیێن وەلاتێ‌ خالتا ل شنگالێ‌ بێتەكرن ئەگەر ب ڤی ئاوایی بت ژیانا ئێزدیا و ب تایبەت یا شنگالیا ل عێراقێ‌ د مەترسیێ‌ دایە.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi