پێشنیار و داخوازى بۆ جڤاتا رۆحانى یا ئێزدیان
سه‌ردار گولو:
گه‌له‌ك تشتێن هه‌ین دڤێت جڤاتا رۆحانى پێ رابت و ل لالشێ بێنه قه‌ده‌غه‌كرن ل رۆژێن جه‌ژنا جه‌مایێ و ئه‌ڤه چه‌ند خاله‌كن ژ وان دێ ده‌ینه دیاركرن،ئێك نه‌رگیله كێشان د رێیا لالش دا كاره‌كێ كرێته زارۆك و سنێله ل سه‌ر جاده‌یان بكێشن،دوو یاریێن قومارێ و فێلان د رێیا لالشێ دا،پێتڤیه رێگرى ل ڤێ دیاردا كرێت بێته كرن،سێ دیلانا ملا ئه‌وا زارۆك و گه‌نج ل به‌ر سترانێن كرێت و عه‌ره‌بى د نیڤا جادێ دا دكه‌ن، پێتڤیه ئه‌ڤ دیارده بێته سه‌كناندن،چار پێتڤیه ب هیج شێوه‌یه‌كى نه‌هێلن مادێن كحولى ل سه‌ر جادان بێنه فرۆتن.
ئه‌و تشتێـن دناڤ په‌رستگه‌ها لالش دا دئێنه كرن:
1- ل رۆژێن جه‌ژنان و جه‌مایێ بتنێ رێ بێته‌دان خێزان ده‌ربازى په‌رستگه‌هێ بن، ب هیچ شێوه‌یه‌كى رێ نه‌ئێته‌دان زوگورد ده‌ربازبن، ژبلى خلمه‌تكاران و زانایێن ئۆلى و مجێورا.
2- داوه‌ت و ستران و دیلان ب هه‌موو ره‌نگان بێــنه قه‌ده‌غه‌كرن،چنكو لالش جیێ په‌رستنێ یه نه‌جیێ ڤان تشتایه.
3- دكان و خوارنگه‌هـ و ئه‌و كه‌سێن تشتان دناڤ لالش دا دفرۆشن بێنه ئاگاهداركرن،كو كه‌لوپه‌لێن خۆ ب به‌هایه‌كێ گونجاى بفرۆشن و ل سه‌ر سه‌ردانكه‌ران گران نه‌كه‌ن.
4- رێ ل خازخازۆكان بێنه گرتن و نه‌هێلن بێنه دناڤ لالشێ دا.
5- سه‌رده‌ریێن خاسا بێنه ئاگه‌هداركرن كو چاڤێ خۆ بده‌نه وى خه‌لكێ دئێنه به‌ر خاس و ئاقدان،رێ ب خه‌لكى نه‌ئێته دان كارێن كرێت و نه‌جوان د ناڤخۆیا ئاقدان دا بكه‌ن، بۆ نموونه سالا چۆى ده‌مێ كه‌سه‌كى ب شێوه‌یه‌كێ نه‌جوان خۆ ب ستوونا مرازا ڤه دالقاندى، باشتره سه‌رده‌رى وئامۆژگارى ل خه‌لكى بێنه‌كرن كو كارێن كرێت نه‌كه‌ن و رێگرى ل كارێن خراب بێنه گرتن ئه‌گه‌ر نا رێگرى ل ره‌فتارێن وان بێته كرن.
6- گۆتنا سترانان ب ده‌نگه‌كێ بلند ل شه‌ڤان دناڤ لالشێ دا، رێگرى لێ بێته‌گرتن، ژبه‌ركو دیارده‌یه‌كا گه‌له‌كا كرێته و لالش جیێ په‌روه‌سته‌بوونێ یه نه‌جیێ سترانایه.
7- رێ ب كه‌سى نه‌ئێته دان ل لالشێ بنڤت ژبلى كه‌سێن دناڤ په‌رستگه‌هێ دا كار دكه‌ن مینا خلمه‌تكار و زه‌لامێن ئۆلى،هنده‌ك قه‌وال و مامۆستا و شاره‌زایێن ئۆلى بێنه ده‌ستنیشانكرن و سه‌ره‌دانا به‌ر خاسا بكه‌ن و خه‌لكى ل خۆ كۆم بكه‌ن مینا بچوك و مه‌زنان و كچ و كوران داكو ئامۆژگاریان لێ بكه‌ن، رێیا دینى نیشا وان بكه‌ن، پاقژیا لالشێ بپارێزن و به‌حسێ پیرۆزیا لالشێ بۆ وان بكه‌ن.
8- (پۆلیسێن هاتنوچوونێ) بێنه سه‌ر رێیا لالش داكو نه‌هێلن قه‌ره‌بالغا هاتنوچوونێ چێبت داكو شۆفێر ب ئاسایى هاتنوچوونا خۆ بكه‌ن، ب تایبه‌تى ل هێڤاران، پێتڤیه پۆلیسێن هاتوچوونێ ب شه‌ڤ و رۆژ د ئاماده‌باشیێ دابن.
9-راگه‌هاندن ل لالشێ، دروسته كه‌نال رۆمالا خۆ بكه‌ن لێ بێنه ئاگاهداركرن كو پرسیارێن خۆ ژ زارۆكان نه‌كه‌ن و ئێزدیاتیێ پێ كێم نه‌كه‌ن، رێزێ ل خۆ و پرسیارێن خۆ بگرن ده‌مێ ئاراسته‌ى خه‌لكى دكه‌ن، پرسیارێن سیاسى و كرێت و بێ رامان د لالشێ دا نه‌ئێنه‌كرن.
10-هه‌ر كه‌سێ ب پێلاڤ ڤه بچته د په‌رستگه‌هێ دا پێتڤیه بێته ده‌سته‌سه‌ركرن.
11- هه‌ر كه‌سێ ده‌ربازى لالشێ بت پێتڤیه ب جل و به‌رگێن سپى بت، نابــت چ كچ و ژن بێ چه‌فى (ده‌سمه‌ل) بن، هه‌ر كه‌سا ده‌سمه‌لێ ب دانـته سه‌ر ملێن خۆ و نه‌ده‌ته سه‌رێ خۆ پێتڤیه ژ لالشێ بێته ده‌رێخستن.
12- لژنه‌یه‌ك ژ گه‌نجێن ئێزدیان بێته پێكئینان كو سه‌رپه‌رشتیا وان بێته كرن ژ ره‌خێ خلمه‌تكار و شكه‌ستیان ڤه و چاڤدێریا وان خالان بكه‌ن ئه‌وێن مه به‌حس كرین و ب به‌رده‌وامى دناڤ لالشێ دا بێن و بچن هه‌ر كه‌سه‌ك ل جیه‌كى و چاڤدێریا لالشێ بكه‌ن بۆ نه‌هێلانا كارێن كرێت،هه‌روه‌سا دڤێت هه‌ر كه‌سه‌كى باجه‌ك هه‌بت ژلایێ كارگێریا لالشێ ڤه بێنه دروستكرن، و شه‌ڤ و رۆژ دناڤ خه‌لكى دابن.
س.س
تُتاح هذه الصورة أيضا في: کوردی
