نیسان 15, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

جه‌هوه‌ر هه‌كارى:ژ بیره‌وه‌ریێن مه‌ (پشكا پێنجێ)

ژ بیره‌وه‌ریێن مه‌ (پشكا پێنجێ)
جه‌هوه‌ر هه‌كارى:

سبێ ئه‌م ل ترومبێله‌كێ سواربووین و چۆین و راژان نێزیكى 15 كیلۆمه‌تران دوورى ده‌شتا سلێڤانه‌یان بوو، ئه‌م چۆین ئیدارا مه‌كته‌ب سیاسى و مه‌ گه‌له‌ك هه‌ڤالێن خۆ دیتن و ل مه‌ كۆمبوون و من پسیارا فه‌ره‌جى كر هه‌ڤالان دانه‌ دیاركرن كو فه‌ره‌ج یێ ل زێوه‌ ئێكه‌تیا قوتابى ولاوان وئێكى دى ژى گۆته‌ من ئه‌ز دێ وى ئاگاداركه‌م و هه‌ر وێ رۆژێ ده‌مێ ئه‌وى زانى ئێكسه‌ر هاته‌ نك مه‌ و ب دیتنا هه‌ڤدوو شاد بووین،بوو نێزیكى نیڤرۆ ئه‌ز ب دیتنا جه‌نابێ سه‌رۆكى شادبووم و پسیارا ده‌ڤه‌رێ و هه‌ڤالا وئه‌بو داود ژمن كرن.
رۆژا دى دكتۆر خێرى نه‌عمۆ زانى ئه‌ز یێ هاتیم و هاته‌ راژان و ئه‌ز و كاك محه‌مه‌د ل گه‌ل چۆینه‌ مالا وان ل گوندێ دزێ، هه‌ر وێ رۆژێ رۆژنامه‌ڤان كریس كوجیرا یێ فه‌ره‌نسى و هه‌ڤژینا وى هاتبوونه‌ راژان و پسیار كربوون كا ڤان رۆژان ئێك ژ كوردستانێ هاتیه‌ و ئه‌و هه‌ڤالێن ل وێده‌رێ ناڤ و نیشانێن مالا دكتۆر خێرى دانێ و هاتنه‌ نك مه‌ چاڤپێكه‌فتنه‌ك ل گه‌ل من ئه‌نجام دان و گه‌له‌ك پسیار كرن،ئێك ژ پسیارێن وى ئه‌وبوو كو ژبه‌ر بكارئینانا چه‌كێ كیمیاوى ئێدى شۆره‌ش ب زه‌حمه‌ته‌ و نائێته‌ كرن من گۆتێ نا دێ شۆره‌ش یا به‌رده‌وام بت هه‌تا ملله‌تێ كورد دگه‌هنه‌ مافێن خۆ ئه‌وى گۆت رژێم دێ كیمیایێ بكارئینت من گۆتێ دێ شۆره‌ش ژى ل دووڤ كاودانان ته‌كتیكێن خۆ گهۆرت،هه‌ر چاوان من گۆتێ ئه‌ز نزانم و ئه‌و كارێ سه‌ركردایه‌تیێ یه‌ گه‌له‌ك كه‌یفا وى هات بۆ به‌رسڤێن من و كاك محه‌مه‌د و دكتۆر خێرى د پشكدار بوون د چاڤپێكه‌فتنێ دا.
رۆژا دى ئه‌ز زڤریمه‌ راژان و كاك محه‌مه‌د به‌ره‌ف مال چۆ ل ده‌ڤه‌را ئه‌سفه‌هان،ئێدى ل مه‌كته‌ب سیاسى لژنا سه‌رپه‌رشتیا لقا ئێك هاته‌ دانان و د ڤێ لژنێ دا من به‌رده‌وامى دا كارێ خۆ هه‌تا سه‌رهلدانا به‌هارا 1991ێ و ئه‌ز زڤریمه‌ كوردستانێ.
س.س

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi