مه‌لاقییا ئه‌لكترۆنى
دلدار محه‌مه‌د:
د جڤاكى دا مرۆڤێ مه‌لاق كرێترین كه‌سایه‌تیه،چنكو گۆتن و كریارا وى هه‌ڤناگرن و هه‌ڤدژیه‌كا به‌رچاڤ دگه‌ل ئێك هه‌یه، پرانیا تاكێن جڤاكى خۆ ژڤان جۆرێن مرۆڤان دده‌نه پاش و ل جڤاتان ژى دئێنه ریسواكرن،به‌لێ ئه‌ڤ جۆرێن مرۆڤان به‌رده‌وام خۆ نێزیكى كه‌سێن پایه‌دار و پله‌بلند دكه‌ن، گه‌له‌ك جاران ژى ب په‌یڤ و خاپینوكیا خۆ ئارمانجێ د هنگێڤن و دكارن ب گه‌هنه چینگا هیڤیێن خۆ، پرانیا جاران ژى ئه‌ڤ ئارمانج و هیڤیێن وان تشته‌كێ وه‌ختى و بێ بهانه،چنكو هشیاریا ڤان كه‌سان ناگه‌هته وى ئاستى كو ئارمانجێن دوور و مه‌زن هه‌بن چێدبت ئه‌ڤ ئارمانجه هند یا بچووك بت كو د پاریكه‌كێ نانى دا ئاسێ ببت!.
به‌لێ ب ره‌نگه‌كێ گشتى ئه‌ڤ كه‌سه نه د خۆشتڤى نه و پرانیا ده‌رگه‌هان ل به‌ر دئێنه گرتن، له‌وما ژى ئه‌و به‌رده‌وام ل رێك و شێوه‌یێن گه‌هشتنا ڤان ئارمانجێن چه‌په‌ل دگه‌رن، پشتى ته‌كنه‌لۆژیا گه‌هشتیه ڤى ئاستێ بلند یێ پێشكه‌فتى وانژى رێیه‌كا نوو په‌یداكریه ئه‌و ژى مه‌لاقیا تۆرێن جڤاكى!،زۆر جاران ل به‌رچاڤان دكه‌ڤت پایه‌داره‌ك دێ پۆسته‌كێ گه‌له‌ك بێ رامان به‌لاڤ كه‌ت،ره‌نگه چ په‌یڤ ژى نه‌بن هه‌ما وێنه‌یێ گه‌شته‌كێ یه ل گوندێ خۆ دێ بینى د ماوه‌یه‌كێ گه‌له‌ك كێم دا دێ كۆمێنتێن زۆر یێن پرى په‌یڤێن (ئه‌زبه‌نى- قوربان-خۆشتڤیێ مه) …هتد ئێنه نڤیسین،راسته په‌یڤێن جوان و پرى رێز دناڤ جڤاكى دا په‌یوه‌ندیێن تاكان مكوم دكه‌ن،به‌لێ ئه‌گه‌ر په‌یڤ بۆ ئارمانجه‌كا چه‌په‌ل بن چه‌ند د جوان بن
س.س
تُتاح هذه الصورة أيضا في: کوردی
