ژ بیرهوهریێن مه( پشكا چارێ)
جههوهر ههكارى:
دهمێ رۆژئاڤایێ ئهم گههشتینه گوندێ ههلانه و دگهل پهزى ئهم چۆینه ناڤ گوندى خانیێن وان دوو قات بوون،قاتێ عهردى بۆ پهزى و دهوارا بوو قاتێ بێلا بۆ مالێ بوو،ئهز و كاك محهمهد و عهبدولله چۆینه مالهكێ و ههر زوو سۆپا تژى داركرن و شیڤ بۆ مه ئینان، پشتى شیڤێ ئێدى لنگێ من گهلهك ئیشیا و هێدێ هێدى ئێشان زێده بوو،حهجى مهحسن خودانێ مالێ گۆته من خێره برازى توو هۆسا تێكچۆى و زهربووى من بابهتێ لنگێ خۆ بۆ وى گۆت ئێدى چۆ مویێن بزنا و خۆى ئینا و لنگێ من پهرخاند ئێدى بتر ئیشا و دونیا ل بهر چاڤێن من تارى بوو.
كاك عبدوللهى گۆته من جارهكێ ته دیتیه چاوا چارهسهر دكهن من گۆتێ بلا ئێدى من خۆ درێژ كره سهر زگى و محهمهد هات سهر رانێ من و عبدوللهى كێشا ئێدى هند ئیشا من چوو دونیا نهدیت ههتا پشتى بێهنهكێ چاڤێن من ڤهبوون و من گۆته كاك محهمهد سبێ هوون ههرن و ئهز دێ مینم ههتا لنگێ من باش دبت و كاك محهمهدى گۆت ب خودێ ئهز ناچم ههتا ئهم پێكڤه بچین ئهز د وى حالێ دا مام ههتا نێزیك 10ى شهڤێ جیێن مه ل ژۆرا دى دانان و سۆپا گهرم كر و كاك محهمهد وعبدوللهى ئهز راكرم و برمه ژۆرا دى،حهجى مهحسن كیسكهكى نایلۆنى پهیدا كر و لنگێ من كره دكیسكى دا و نێزیكى سۆپا دارا كر و گۆته ههڤژینا خۆ ههره چایێ بۆ مه بینه ههڤژینا وى چاى ئینا و مه ڤهخوار بچهكێ بێهنا من هات و ئیشان هندهكێ كێمتر بوو،من گۆته حهجى پشتى من ئهڤ چایه ڤهخوارى ئهز باشتر بویمه ئێدى گۆته ههڤژینا خۆ ههره چایهكا دى بۆ وى بینه چایهكا دى ئینا وپشتى من ڤهخوارى ئهز هێشتا باشتر بووم،دیسا حهجى گۆته ههڤژینا خۆ چایهكا دى بینه و پشتى چایا سێیێ ئهز گهلهك باشتر بووم و ئیشان كێم بوو،ئێدى ئهم نڤستین و سبێ ئهز رابووم ئیشان مابوو بهلێ ئهز یێ باش بووم ئێدى مه تێشت خوار و ههردوو ههڤالێن مه یێن دى هاتن و مه خاترا خۆ ژ حهجى خواست و من لگهل وان سنگێ خۆ دا وى چیایێ بلند و ههموو بهفر بوو ب زهحمهتهكا مهزن ئهم ب سهركهفتین و ژۆردا مه خۆ بهردا خوار و نێزیكى سنوورێ رۆژههلاتێ بووین دۆرێن نیڤرۆ ئهم گههشتینه گوندێ جێرمێ و ل بنیا گوندلا و ل سهر رووبارى و ل ناڤ بهفرێ مه گۆرێن خۆ گڤاشتن و كرنه لنگێن خۆ و مه تێر نان و ژاژى خوار و ئهم كهفتینه د دۆلهكا درێژ و ئێدى رێك بهروار بوو لنگێ من ههر د ئیشا بهلێ من نهكره خهم و ئهم چۆین ههتا گههشتینه دهشتێ و ئێدى رهشاتى بوو،ل رهخێ گوندێ گره سۆرى مه پسیارا ترومبێلهكێ كر وان گۆت نهترۆمبیل و نهتراكتۆر نكارن دهركهڤن،ئێدى ئهم بهرهف نشیڤیێ ڤه چۆین.
بوو رۆژئاڤا ئهم گههشتینه گوندێ سلێڤانا كو مالا سهرۆكى ل ڤى گوندى بوو،ئهم چۆینه مێڤانخانا بارهگایێ سهرۆكێ من رهحمهتى مهلا مهحمود دێرشهوى ل مێڤانخانێ دیت و بۆ مه شیڤ ئینان و پشتى شیڤێ كاك دلشاد بارزانى هاته نك مه،سبێ مه تێشت خوار و مه پسیارا ترومبێلا كر بۆ راژان یا نێزیك بوو ئهم چۆینه بارهگایێ مهكتهبا سیاسى كو دۆرێن(20/12/1988)ێ بوو.
س.س
تُتاح هذه الصورة أيضا في: کوردی