تۆرا لالش
ل رێكه‌فتی 24/7/2025ێ، ل ژێر سه‌رپه‌رشتی و پشته‌ڤانیا نڤیسینگه‌ها لالش ته‌لبه‌نات د روونشتنه‌كا ڤه‌كری دا چه‌ندین ته‌وه‌رێن گرێدایی بریارێن مه‌سرور بارزانی سه‌رۆكێ حكومه‌تا هه‌رێما كوردستانێ بۆ رزگاربوویان، هه‌لبژارتنێن داهاتی یێن ئه‌نجوومه‌نێ نوونه‌رێن عیراقێ هاتنه به‌حسكرن.
تێ زانین ئه‌ڤ روونشتنه ب ئاماده‌بوونا ره‌وشه‌نبیر و مامۆستا و ده‌رچۆیێن زانكۆ و په‌یمانگه‌هان ل هۆلا پێگهۆر یا بنگه‌هێ لالش تایێ شنگال ل هۆلا قه‌سرئێزدینێ ل ناحیا خانكێ هاته ب رێڤه‌برن.
د ته‌وه‌رێ ئێكێ دا رۆلێ سه‌رۆكێ حكومه‌تا هه‌رێما كوردستانێ رێزدار مه‌سرور بارزانی ل دۆر وان بریارێن بۆ رزگاربوویان داین ژ وانژی دەرفەت بۆ ڕزگاربوویێن ژ دەستێ داعش هاته دان، ب ڕێكارێن زانستی، بێنە ڕەخساندن، تاكو بکارن ل ئاستێن (دبلۆم، بەكالۆریۆس، دبلۆما بڵند، ماستەر و دكتۆرایێ) بخوونن، و مەزاختیێن خواندنا ڕزگاربوویان، دێ ل سەر ئەرکێ حكومەتا كوردستانێ بن، واتە: ڕزگاربوویی بێ بەرامبەر و ب هەروەیی دێ ل زانكۆ و پەیمانگەهێن حكومی و ئەهلی یێن هەرێما كوردستانێ خوونن.
د ته‌وه‌رێ دووێ دا، به‌حسێ گرنگیا هه‌لبژارتنێن ئه‌نجوومه‌نێ نوونه‌رێن عیراقێ هاته كرن و رژدی ل سه‌ر پشته‌ڤانیا كاندیدیێن ئێزدی یێن ل سه‌ر لیستا پارتی دیموكراتی كوردستان هاته كر.
د برگه‌یه‌كا دیتر دا به‌ریكانه‌كا زانستی د ناڤبه‌را هه‌ردوو قوتابخانێن شڤان میدیا و خانكێ یا بنه‌ره‌تی یا ئاواران هاته سازكرن و قوتابخانا شڤان میدیا سه‌ركه‌فت، و خه‌لاتێن رێزلێنانێ ب سه‌ر هه‌ردوو تیمان دا هاتنه دابه‌شكرن.
تُتاح هذه الصورة أيضا في: کوردی
