تۆرا لالش
ل رێكه‌فتی 24/3/2025ێ، ل ژێر سه‌رپه‌رشتی و پشته‌ڤانیا نڤیسینگه‌ها لالش مه‌هه‌تێ چالاكی و روونشتنێن ڤه‌كری ل دۆر پاراستنا كلتوور و فلكلۆر و پێكڤه‌ژیانا ده‌ڤه‌رێ ده‌ستپێكرینه و تا نهۆ د به‌رده‌وامن.
ل دۆر ڤێ چالاكیێ مه‌هدی حه‌سه‌ن به‌رپرسێ نڤیسسینگه‌ها لالش مه‌هه‌تێ دا دیاركرن: میرات ب تنێ كه‌ڤناتی نینه به‌لكو پرەكه د ناڤبەرا بۆری و نۆكه‌دا، و هه‌روه‌سان پاراستنا میراتێ باب و كاڵان و به‌هایێن پێكڤه‌ژیانێ ب واتایا ناسنامەیەكا زێندییه، و هه‌روه‌سان ئێك ژ ئارمانجیێن ڤان چالاكی و روونشتنان به‌لاڤكرنا هشیاریا ره‌وشه‌نبیرییه دناڤ گه‌نجان دا و پشكدار ژی به‌رده‌اوم پشكدارییێ دكه‌ن و بابه‌تان ده‌وله‌مه‌ندتر دكه‌ن، هه‌روه‌سان ل ژێر ناڤونیشانێ پرا كلتوور و فلكلۆری دناڤبه‌را وه‌لاتییان دا ل سه‌رده‌مێ بۆری و نهۆ چالاكی د به‌رده‌وامن.
ناڤهاتی بتر گۆت: گه‌نج و نڤشێن داهاتی د كارن ب بن پارێزڤانێن میراتی و ناسنامەیا كولتوری و به‌هایێن پێكڤه‌ژیانێ.
به‌رپرسێ نڤیسینگه‌هێ دیار ژی كر: دوهی ژی وۆركشۆپه‌ك بۆ زارۆكان هاته پێشكێشكرن و تێدا كه‌لوپه‌لێن كه‌ڤنار یێن ناڤمالێ هاتنه نیشاندان و هه‌روه‌سان ب یاریا “پازیل” بورجێ ئیڤلێ فه‌ره‌نسا ناسین، و زارۆك و هه‌موو پشكدار د دلخۆشن.
پاشان چه‌ندین ڤیدیۆ ل دۆر میرات و به‌هایێن پێكڤه‌ژیانێ هاتنه پێشكێش كرن و ئاماده‌بوویان به‌رده‌وام مفا ژێ وه‌ردگرت.
تێ زانین رونشتنێن ڤه‌كری ل كۆمه‌لگه‌ها مه‌هه‌تێ تا رۆژا ئینیێ دێ د به‌رده‌وام بن و هه‌روه‌سان هه‌ر رۆژ ل ده‌مژمێر 3ێ هه‌تا 5ی ئێڤاری بۆ ماوێ دوو ده‌مژمێران ل هۆلا لالش ل مه‌هه‌تێ دێ د به‌رده‌وام.
د ناڤ چالاكیێ دا خانما مریه‌م مازن پشكدار ب نڤیسینا مێخ ئانكو نڤیسینا مسماری ئاشنا كرن و په‌یڤا عه‌سمان ل سه‌ر حه‌رییێ چێكرن ئارمانج ژی داكو ب شارستانیه‌تێن كه‌ڤن ئاشنا بن و هه‌روه‌سان قوناغێن گه‌شه‌سه‌ندنێ ژی به‌حسكرن.
تُتاح هذه الصورة أيضا في: کوردی
