بنگەهێ لالش پێشوازی ل ئەندامه‌كێ ئەنجوومەنێ پارێزگەها نەینەوا کر
تۆرا لالش
ئەڤرۆ ل بارەگه‌هێ گشتی یێ بنگەهێ لالش وامۆستا سه‌عید جردۆ پێشوازیەکا گەرم ل بەرێز جمال شەشۆ ئەندامێ ئەنجوومەنێ پارێزگەها نەینەوا و شاندێ دگه‌ل دا كر.
شەشۆی سەرەدانا خۆ ب مەرەما ئاگاداربوونێ ژ کار و چالاکیێن بنگەهێ لالش دیاركر، د ڤێ هەڤدیتنێ دا، سه‌رۆكێ بنگه‌هێ لالش رێزدارسه‌عید جردۆ ب بەرفرەهـی ل سەر پرۆژە و بەرنامەیێن خۆ یێن جۆراوجۆر ئاخڤی.
د ناڤ ئاخفتنان دا، بەحسێ گرنگیا پاراستنا کەلەپوورێ ئێزدی و رۆلێ بنگەهێ لالش د ڤی واری دا هاتە کرن و هەروەسا، پرسێن پەیوەندیدار ب گەشەپێدانا جڤاکی و پێشڤەبرنا ناوچەیێ ژی و ب تایبه‌ت ئێزدییان ڤه هاتنە گەنگەشەکرن.
بەرێز شەشۆ سوپاسیا خۆ بۆ ڤێ پێشوازیێ دیار کر و گۆت کو ئەو دێ هەولدەت بۆ پشتەڤانیکرنا پرۆژەیێن بنگەهی د ناڤ ئەنجوومەنا پارێزگەهێ دا و وی هەروەسا گرنگیا هەڤکاریێ د ناڤبەرا دەزگەهێن حکوومی و رێکخراوێن جڤاکی دا دووپات کر.
د داویا هەڤدیتنێ دا، هەردوو ئالی ل سەر بەردەوامیا پەیوەندیان و گوهۆرینا زانیاریان رێککەفتن، ب مەرەما باشترکرنا خزمەتگوزاریان بۆ خەلکێ دەڤەرێ.
تُتاح هذه الصورة أيضا في: کوردی
