ل كۆمهلگهها بابیرێ گرنگییا پێكڤهژیانێ ل ههرێما كوردستانێ هاته بهحسكرن
تۆرا لالش
ل رێكهفتی 30-8-2024ێ، ب ئامادهبوونا هژمارهكا كهسایهتێن ئۆلی و رهوشهنبیری و كۆمهلایهتی و حزبی یێن دهڤهرێ، نڤیسینگهها لالش یا بابێرێ سمینارهك لژێر ناڤونیشانێ پێكڤهژیانا ل ههرێما كوردستانێ سازكر.
ل دهستپێكێ ئامادهبووی خۆلهكهكێ بۆ گیانێ پاكێ شههیدێن كورد و كوردستانێ سهكنین و ل دووڤدا بۆ ماوێ پازده خۆلهكان سمنیار بێژ و بهرپرسێ پشكا رهوشهنبیری ل بابێرێ جاسم عهبدی بهحسێ گرنگییا پێكڤهژیانێ بۆ ئامادهبوویان كر.
پاشان دهرگههێ گفتوگۆیێ دناڤبهرا ئامادهبووییان و سمیناربێژی دا هاته ڤهكرن و سمنیاربێژی ژی ب تێر و تهسهلی پرسیار و تێبنیێن ئامادهبوویان شرۆڤهكرن.
تێ زانین ئامادهبوویان و سمیناربێژی گرنگی ل خالێن پێكڤهژیانێ كرن و دیاركر پێكڤهژیانا ل ههرێمێ زامنێ پاراستنا مه ههموویانه، لهوران پێتڤییه ل سهر ههر تاكهكی چهمكێن پێكڤهژیانێ بپارێزت.
تُتاح هذه الصورة أيضا في: کوردی
