ل كۆمهلگهها شاریا فهلسهفا پێكڤهژیانێ هاته گهنگهشه كرن
تۆرا لالش
ل پێنجشهمبوویا بۆری ل رێكهفتی 22ێ تهباخا 2024ێ، ل هۆلا لالش بنگههێ لالش تایێ شاریا سمینارهك ل سهر بابهتێ فهلسهفا پێكڤهژیانێ ساز كر، تێ زانین مامۆستا و نڤیسكار سهبری سلێڤانهیی پێشكێش كر.
گهلهك كهس ئامادهیی ڤێ سمینارێ بوون، ژ وانژی گهنج، مامۆستا، رهوشهنبیر و كهسایهتیێن ههردوو رهگهزان.
د سمینارێ دا، نڤیسكاری ب كووراتی بابهتێ پێكڤهژیانێ ژ ئالیێ فهلسهفی ڤه شرۆڤه كر، وی گرنگی دا بههایێن زانستی، مهعریفی و جڤاكی، سلێڤانهیی گۆت نابت جوداهی د ناڤبهرا ئۆل و پێكهاتهیێن كوردستانێ دا ههبن، وی بهحسێ گرنگیا پێكڤهژیانا دروست و كاریگهریا وێ ل سهر جڤاك و تاكهكهسی كر.
وی گۆت: ئهگهر ئهم ئێكودوو قهبوول نهكهین، دێ بته سهدهما نهڤیانێ، نهڤیان دێ بته سهدهما ناكۆكیان، و ناكۆكی دبنه سهدهما شهری و شهر دبنه مالوێرانی.
ل داویا سمینارێ، ئامادهبویان پرسیار ژ سمیناربێژی كرن و وی ژی بهرسڤا وان دا.
ل داویێ ژی، بنگههێ لالش تایێ شاریا خهلاتهكێ رێزلێنانێ و سپاسیێ دا مامۆستا سهبری سلێڤانهی.
تُتاح هذه الصورة أيضا في: کوردی
