ل رێكه‌فتی 21ـى چريا دووێ 2025، ل په‌رستگه‌ها لالش مير حازم ته‌حسين به‌گ، ميرێ ئێزديان ل كوردستان، عێراق و جيهانێ پێشوازى ل پشكه‌كا رێكخراوێن ره‌ڤه‌ندا كوردی یێن ئەمریکا و کەنەدا و ڕووسیا كر.
شێوه‌رمه‌ندێ جڤاتا روحانیا ئێزدیان خالد نه‌رمۆ بۆ سه‌ما دياركر، د ڕوونشتنێ دا میرێ ئێزدیان و ره‌ڤه‌ندا كوردی، ڕه‌وشا ئێزدیان و ب تایبه‌تی یا شنگالێ و ژیانا ناڵه‌بار یا ئاواران دناڤ خیڤه‌تان دا و ڕه‌ڤانديێن دناڤ ده‌ستێ تیرۆرستێن داعشێ دا ماين گوتۆبێژكرن.
گۆتژی: ميرێ ئێزديان داخواز ژ ره‌ڤه‌ندێن كوردی كر د هاریكاربن بۆ چاره‌سه‌ركرنا كێشه‌یێن ئێزدیان، هه‌روه‌سان رۆلێ وان د پێشخستنا كه‌یسا ئێزدیان ل جیهانێ بلند نرخاند.
تێ زانین ژ ده‌ستپێكا جینۆسایدا ئێزدیان هه‌تا نهۆ ره‌ڤه‌ندێن كوردی ل وه‌لاتێن جیهانێ هه‌ول دده‌ن په‌رله‌مان و وه‌لاتێن جیهانێ دانپێدانێ ب جینۆسایدا ئێزدیان بكه‌ن و ئه‌ڤه‌ژی جهێ رێز و پێزانینا میر حازم ته‌حسین سه‌عید به‌گ میرێ ئێزدیان ل كوردستانێ و عیراق و جیهانێ بوو.
پاشان شاندى گه‌ريانه‌ك دناڤ هندورێ په‌رستگه‌ها لالش دا كر و ژ نێزيك ڤه زانيارى ل سه‌ر ڕێوره‌سمێن ئۆلى و جڤاكى يێن ل په‌رستگه‌هێ دئێنه گێڕان ژ خالد نه‌رمۆ وه‌رگرتن
ئه‌ڤ سه‌ره‌دان گرنگن بۆ نيشاندانا جيهانێ كو ئێزدى پێكهاته‌كا گرنگ يا مرۆڤايه‌تيێ نه و هشياركرنا جيهانێ بۆ جينۆسايدا ب سه‌رێ ئێزديان دا هاتى ل سه‌ر ده‌ستێ داعشێ و ناساندنا باوه‌رى و چاندا ئێزديان، بده‌ستڤه‌ئينانا پشتگيريا نێڤده‌وڵه‌تى و ڕێگريكرن ل دووباره‌بوونا كۆمكوژيێن ل دژى ئێزديان.
تُتاح هذه الصورة أيضا في: کوردی
