ئيڕۆ دووشه‌مبوويێ، 17-11-2025، پرۆسه‌يا ڤه‌كرنا گۆڕه‌كێ دى يێ بكۆم ل كۆمه‌ڵگه‌ها سيبا شێخدرێ ل شنگالێ ده‌ستپێكر.
ئاواره‌يێن ڤه‌گه‌ڕياينه كۆمه‌ڵگه‌ها سيبا شێخدرێ هنده‌ك ڕووفاتێن تمام يێن قوربانيێن ئێزدى ل سه‌ر ده‌ستێ داعشێ ل به‌ره‌يێ شه‌ڕێ جه‌نگاوه‌رێن ئێزدى ل گه‌ڵ تيرۆرستێن داعشێ ديتبوون، ئێكسه‌ر لايه‌نێن په‌يوه‌نديدار ل سه‌ر هه‌بوونا وان ڕووفاتان ئاگه‌هدار كرن.
ده‌زگه‌هێ شه‌هيدان په‌رژانه‌ك ل دۆرماندۆرى به‌ره‌يى دانان، هه‌ر ئيڕۆ تيمه‌كێ تايبه‌تمه‌ند يێ ڤه‌كرنا گۆڕێن ب كۆم گه‌هشتنه جهێ سيباشێخدرێ، كو پێكهاتيبوون ژ ده‌زگه‌هێ شه‌هيدا و فه‌رمانگه‌ها نۆژداريا داد و ده‌سته‌يا ڤه‌كۆلين و كۆمكرنا به‌ڵگه‌يان ل دهۆكێ.
ب هه‌ڤكارى ل گه‌ڵ ڕێكخراوا نێڤده‌وڵه‌تى(ICMP) ده‌ست ب ڤه‌كرنا گۆڕان كرن.
ئه‌ڤه د ده‌مه‌كی دایه، ل 3ى ته‌باخا 2014 ل ده‌ما هاتن و ده‌ستبسه‌رداگرتنا قه‌زا شنگالێ ژ ئالیێ ڕێكخراوا تیرۆرستیا داعش ڤه، ب سه‌دان وه‌ڵاتيێن ئێزدى يێن بێ گونه‌هـ كۆمكوژكرن و بنئاخكرن، هه‌تا نهۆ و پشتی بوورینا يازده ساڵان هێشتا چه‌ندین گۆڕێن بكۆم ماینه و ڕووفاتێن دناڤدا نه‌هاتينه ده‌رێخستن.
تُتاح هذه الصورة أيضا في: کوردی
