تۆرا لالش
ل رێکەفتی ٦_١٠_۲۰۲٥، ب ئامادەبوونا بەرێز (زەردەشت شێخ شامۆ) رێڤەبەرێ ناحیا خانکێ و رەوشەنبیر و ماموستا و ژمارەیه‌کا مەزن ژ گەنج و قوتابیێن ناحیا خانکێ، ب ھەلکەفتا ھاتنا جەژنا جەمایێ یا ئێزدیان بنگەھێ لالش تایێ خانکێ رابوو ب گێرانا دوو سمنیارێن ژێك جودا ل ناحیا خانكێ.
وه‌ك ڕێزگرتن ل سه‌ر گيانێ پاكێ جانگۆريێن كوردستانێ سه‌روه‌رێ وان بارزانيێ نه‌مر و كاك ئه‌دريسێ جوانه مه‌رگ ئاماده‌بوويى خۆله‌كه‌كێ سه‌كنين.
سمنیارا ئێكێ مامۆستا شكری ره‌شید خێراڤایی لدۆر (جەما ناڤ و دیرۆک) پێشكێشكر دناڤدا به‌حسێ كه‌ڤناتیا ڤێ جه‌ژنێ دناڤ ئێزدیان دا كر.
سمنیارا دووێ مامۆستا عەنتەر کەلۆ لدۆر (رێ و ره‌سمێن جەژنێ و هشیارکرنا گەنجان) كو هه‌ر درێژه‌پێده‌را سمنیارا ئێكێ بوو و ناڤهاتی ئێك ب ئێك رێ و ره‌سمێن جه‌ژنێ شرۆڤه‌كرن و د برگه‌یه‌كا دیتر دا به‌حسێ گه‌نجان كر و گۆت پێتڤیه هه‌موو گه‌نج و لاوو ئافره‌ت دیرۆك و رێ و ره‌سمێن ڤێ جه‌ژنێ ب كووری ب نڤشێن داهاتی ب پارێزن.
پاشان دانوستاندنەکا ب تێر و تەسەڵ و گەنگەشەکا پر ب مفا دناڤبەرا ئامادەبوویان دا پەیدابوو، بەرسڤا تێبینی و پرسیاران ژلایێ هه‌ردوو سمیناربێژان دا هاتنە دان.
ل دوماھیێ چەندین خەلات ب هەلکەفتا جه‌ژنا جه‌مایێ لسەر ئامادەبوویان هاتنە دابەشکرن و ب هەلکەفتا دەسڤەئینانا باوه‌رناما ماستەرێ به‌رێزان ماموستا (مه‌روان شێخ شامۆ) و دکتورە(زانا صبري قاسم) بنگه‌هێ لالش تایێ خانكێ هاتنه خەلاتكرن.
تُتاح هذه الصورة أيضا في: کوردی
