تۆرا لالش
پرۆژێ پشته‌ڤانى يا دارایی بۆ رزگاربوويان،وەك قۆناغا دەستپێكێ سێ هەزار و 575 كەس، ژ هەردوو ڕەگەزان و تەمەنێن جیاواز مفاداربوون، پرۆژە ژلایێ بنگەهێ لالش يێ ڕه‌وشه‌نبیری و كۆمەڵایەتی دئێته ب رێڤه‌برن،هەروەسا چه‌ند رزگاربوويى ژى دناڤا ئه‌ڤێ تيمێ دا به‌شدارن.
سبه‌ی ل رێكه‌فتی 12/4/2025ێ ل باره‌گایێ بنگه‌هێ لالش ل دهۆكێ دابه‌شكرنا مينحه‌يا دارایی یا سەرۆکێ حكومه‌تا هه‌رێما كوردستانێ مەسرور بارزانی بۆ هەیڤا سێ ل سەر ڕزگاربوویێن ئێزدی ژ دەستێ داعشێ دێ به‌رده‌وام بت و رزگاربوویێن نه‌گه‌هشتین ب هه‌ر ئه‌گه‌ره‌كێ مینحه‌یێ وه‌ربگرن سبه‌ی و دووزبه‌ی دكارن وه‌ربگرن.
ئەڤە هه‌فته‌مین مەهە مینحەیا سەرۆک وەزیران مەسرور بارزانی، بێ جوداهی، بۆ پتر ژ سێ هه‌زار و 500 وەلاتیێن ئێزدی تێتە دابەشکرن کو پشتی سالا 2014 ژ بن دەستێ داعشێ هاتینە ڕزگارکرن.
لدووڤ خشته‌يی مینحەیا سەرۆک وەزیران ل هەر چار تايێن بنگه‌هێ لالش، شێخان، شاریا، خانکێ و دێرەبوونێ یا به‌رده‌وام بوو و یێن نه‌گه‌هشتین دكارن ل بنگه‌هێ لالش ل دهۆكێ وه‌ربگرن.
بریارا دانا ڤێ مینحەیێ ڤەدگەرت بۆ مەها تشرینا دووێ یا سالا بوری کو حکومەتا هەرێما کوردستانێ مینحە بۆ سێ هه‌زار و 574 کەسێن ئێزدی دابین کریە، ب تایبەتی ژی بۆ ئەوێن ژ دەستێ داعشێ هاتینە ڕزگارکرن.
پشتی هێرشا داعشێ بۆ سەر شنگالێ، کوردێن ئێزدی ئاوارەی هەرێما کوردستانێ بووینە و ب گۆرەی ئاماران، نوکە پتر ژ 135 هه‌زار ئێزدی ل کەمپێن دهۆک و هەولێرێ دژین.
تُتاح هذه الصورة أيضا في: کوردی
