وه‌زاره‌تا كاره‌بێ: ئه‌گه‌ر هنارده‌كرنا گازێ بۆ وێستگه‌هێن كاره‌بێ ده‌ستپێبكه‌ت دێ ره‌وشا كاره‌بێ ئاسایى كه‌ین
گاڤ
وه‌زاره‌تا كاره‌بێ یا هه‌رێما كوردستانێ راگه‌هاند؛ ئه‌گه‌ر هنارده‌كرنا گازێ بۆ وێستگه‌هێن كاره‌بێ ده‌ستپێبكه‌ته‌ڤه دێ د ده‌مێ 24 ده‌مژمێران دا ره‌وشا كاره‌بێ ئاسایى كه‌ین.
ئومێد ئه‌حمه‌د په‌یڤدارێ وه‌زاره‌تا كاره‌بێ ئه‌ڤرۆ ئێكشه‌مبییێ راگه‌هاند “بزاڤ هاتینه چڕكرن دا كو ژ روویێ ته‌كنیكى ڤه هنارده‌كرنا گازێ ل كێلگه‌ها كۆرمۆر بهێته ئاسایى كرن”.
دیار ژى كر؛ ئه‌گه‌ر هنارده‌كرنا گازێ بۆ وێستگه‌هێن كاره‌بێ ده‌ستپێبكه‌ت، وه‌زاره‌تا كاره‌بێ د كێمتر ژ 24 ده‌مژمێران دا دێ ره‌وشا كاره‌بێ ئاسایى كه‌ت.
ئاماژه ب وێ چه‌ندێ ژى كریه “ب بزاڤ و رێنمایى و پشته‌ڤانییا وه‌زیرێ كاره‌بێ د ده‌مێ هێرشا درۆنى دا سیسته‌مێ كاره‌بێ ژ ڤه‌مراندنا گشتى هاته پاراستن و وێستگه‌هـ و محاویله‌یێن كاره‌بێ ژ سۆتنێ و تێكچوونێ هاتنه پاراستن”.
خۆیا ژى كریه “سوپاسییا وه‌زاره‌تا چاندن و ژێده‌رێن ئاڤێ دكه‌ین كو د هاریكار بوون د به‌ردانا ئاڤێ دا ل هه‌ردو وێستگه‌هێن دوكان و ده‌ربه‌ندیخان”.
تُتاح هذه الصورة أيضا في: کوردی
