نیسان 19, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سه‌رۆك بارزانى: پێدڤییه‌ هه‌مى كێماسیێن ته‌كنیكى و بنپێكاریێن ده‌ستوورى و قانوون د مه‌له‌فێ هه‌لبژارتنان دا بهێنه‌ چاره‌كرن

سه‌رۆك بارزانى: پێدڤییه‌ هه‌مى كێماسیێن ته‌كنیكى و بنپێكاریێن ده‌ستوورى و قانوون د مه‌له‌فێ هه‌لبژارتنان دا بهێنه‌ چاره‌كرن
گاڤ

سه‌رۆك بارزانى راگه‌هاند، پێدڤییه‌ هه‌مى كێماسیێن ته‌كنیكى و بنپێكاریێن ده‌ستوورى و قانوون د مه‌له‌فێ هه‌لبژارتنان دا بهێنه‌ چاره‌كرن.

ئه‌ڤرۆ سێشه‌مبێ ل پیرمام سه‌رۆك بارزانى ل گه‌ل یاكۆ بێریندز، كونسلێ هۆله‌ندا و كلاوس شترایشه‌ر، كونسلێ ئه‌لمانیا كۆمبوو، سه‌رۆك بارزانى راگه‌هاند، دا پرۆسه‌یا هه‌لبژارتنان نوینه‌راتییا ئیراده‌ و ده‌نگێ راست یێ گه‌لێ كوردستانێ بكه‌ت، پێدڤییه‌ كێماسیێن ته‌كنیكى و بنپێكاریێن ده‌ستوورى و قانوونى د مه‌له‌فێ هه‌لبژارتنان دا بهێنه‌ چاره‌كرن.

د دیدارێ دا هه‌لبژارتنێن په‌ڕله‌مانێ كوردستانێ، هه‌لوه‌ست و تێبینیێن پارتى دیمۆكراتى كوردستان ده‌رباره‌یى هه‌لبژارتنان هاتنه‌ به‌حسكرن و هه‌روه‌سا ئاماژه‌ ب گرنگییا برێڤه‌چوونا پرۆسه‌یا هه‌لبژارتنان هاته‌كرن و هه‌ر دو كونسلێن ئه‌لمانیا و هۆله‌ندا پشه‌ڤانییا وه‌لاتێن خۆ بۆ هه‌لبژارتنه‌كا دادپه‌روه‌رانه‌ ب جۆره‌كى كو نوینه‌راتییا دیمۆكراسى یا هه‌رێما كوردستانێ بكه‌ت نیشان دا و ئه‌و ژى ب هه‌ڤكارى ل گه‌ل ئالیین په‌یوه‌ندیدار یێن ناوچێ بۆ ده‌ربازكرنا قه‌یرانێن سیاسى.

هه‌ر د دیدارێ دا سه‌رۆك بارزانى به‌حس ل رۆلێ هۆله‌ندا و ئه‌لمانیایا دۆست كر كو د به‌رده‌وامن ل سه‌ر پشته‌ڤانیكرنا دۆزا گه‌لێ كورد، هه‌روه‌سا سه‌رۆك بارزانى دوپاتكر، پارتى دامه‌زرینه‌را شه‌رعیه‌ت و هه‌لبژارتنانه‌ ل كوردستانێ، د هه‌یاما دو سالێن بۆرى دا پارتى هه‌مى بزاڤ كرینه‌ بۆ وێ یه‌كێ هه‌لبژارتن د ده‌مێ خۆ دا بهێنه‌كرن، به‌لێ رێگرى ل برێڤه‌چوونا هه‌لبژارتنان هاتیه‌ كرن، ب ئاشكرایى په‌نا بۆ ده‌ستێ ده‌ره‌كى و دادگه‌ها فیدرال هاتییه‌برن، بۆ وێ یه‌كێ كێشه‌ بۆ هه‌لبژارتنان و پاقژیا وێ بهێنه‌ دورستكرن، بێبه‌هركرنا پێكهاتێن نه‌ته‌وه‌یى و ئۆلى د هه‌لبژارتنان دا، بێبه‌هركرنا زێده‌تر ژ چار سه‌د هزار ده‌نگداران ژ ده‌نگدانێ و ژبلى سه‌پاندنا رێكار و میكانزمێن نه‌دورست د برێڤه‌چوونا هه‌لبژارتنان دا وه‌سا دكه‌ت كو هه‌لبژارتن ده‌ربڕینێ ژ ده‌نگێ راست یێ خه‌لكێ كوردستانێ نه‌كه‌ن.

د پشكه‌كا دى یا كۆمبوونا سه‌رۆك بارزانى دا دوپاتى هاتیه‌كرن كو پارتى پشته‌ڤانا هه‌لبژارتنێن ئازاد و دادپه‌روه‌رانه‌یه‌ كو بێ چ ده‌ستوه‌ردان و دارشتنه‌كا پێشوه‌خت و ب پێدڤى ژى زانى هه‌مى ئه‌و كێماسیێن ته‌كینكى و بنپێكاریێن ده‌ستوورى و قانوونى د مه‌له‌فێ هه‌لبژارتنان دا بهێنه‌ چاره‌كرن بۆ وێ یه‌كێ پرۆسه‌ نوینه‌راتییا ئیراده‌ و ده‌نگێ راست یێ گه‌لێ كورد بكه‌ت، ب شێوه‌یه‌كى د خزمه‌تا دیمۆكراسى و شه‌رعییه‌تا سازیێن هه‌رێما كوردستانێ دا بیت.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi