حكومه‌تێ ئامارا فه‌رمى یا ده‌ستپێكى یا زیانێن له‌هییان به‌لاڤكر
گاڤ
ناڤه‌ندا هه‌ڤپشك یا هه‌ماهه‌نگیێ یا قه‌یران یا گرێداى وه‌زاره‌تا ناڤخۆ یا هه‌رێما كوردستانێ راگه‌هاند؛ 3 كه‌سان د له‌هیێن رۆژێن 18 هه‌تا 21ى ڤێ هه‌یڤێ دا گیانێ خۆ ژده‌ستداینه و 13 كه‌سێن دى بریندار بووینه.
ل گۆره‌ى هه‌لسه‌نگاندنا ده‌ستپێكى یا ناڤه‌ندێ، ژ به‌ر باران بارینا ل ده‌مێ دناڤبه‌را 18/3/2024 هه‌تا 21/3/2024 دا ل هه‌رێما كوردستانێ 3 كه‌سان گیانێ خۆ ژده‌ستداینه و 13 كه‌س بریندار بووینه و هه‌مى ل پارێزگه‌ها دهۆكێ بوون.
ئاماژه ب وێ چه‌ندێ ژى كریه؛ 264 كه‌س ل دهۆكێ و 500 كه‌س ل زاخۆ هاتینه رزگاركرن، هه‌روه‌سا 35 كه‌س ژ له‌هییان ل دهۆكێ هاتینه رزگاركرن.
خۆیا ژى كریه؛ ل پارێزگه‌ها دهۆكێ ژ به‌ر له‌هییان 17 خانى ب ته‌مامى هه‌ڕفتینه و زیان گه‌هشتیه 1315 خانییان هه‌روه‌سا هه‌ر ل دهۆكێ زیان گه‌هشتیه 213 ترۆمبێلان، 15 پرۆژه‌یێن حكومى، 61 ماركێتان و 33 جادده‌یان.
هه‌روه‌سا ل زاخۆ ژ به‌ر له‌هییان 3 خانى ب ته‌مامى هه‌ڕفتینه و زیان گه‌هشتیه 410 خانییان، 23 ترۆمبێلان، 15 پرۆژه‌یێن حكومى، 92 ماركێتان ل گه‌ل مۆله‌كا مه‌زن هه‌روه‌سا 400 ئاژه‌ل خه‌ندقى نه.
ل هه‌ولێرێ ژى، خانییه‌ك ب ته‌مامى هه‌ڕفتییه و زیان گه‌هشتیه 96 خانییان و 256 دوكانان.
ئاشكرا ژى كریه كو له‌هییان ب كۆژمه‌یێ 64 ملیار و 125 ملیۆن و 225 هزار دینارێن ئیراقێ زیانێن ماددى ل سه‌رانسه‌رى هه‌رێما كوردستانێ په‌یداكرینه.
تُتاح هذه الصورة أيضا في: کوردی
