77 سال ب سه‌ر سێداره‌دانا پێشه‌وا قازی محه‌مه‌د دەرباز بوون
باسنيوز:
د ڕۆژەكا وه‌ك ئه‌ڤرۆدا ل 31ێ 3ێ1947 پێشه‌وا قازی محه‌مه‌د سه‌رۆك كۆمارا كوردستانێ پشتی 11 هەیڤێن ژیێ كۆمارا كوردستانێ، دگه‌ل هه‌ڤالێن خۆ ل مه‌یدانا چارچرا یا مه‌هاباد هاتنە سێداره دان.
د وێ ڕۆژێ دا پێشه‌وا قازی محه‌مه‌د دگه‌ل حه‌مه‌حوسێن خانی سه‌یفی قازی پسمامێ و ئه‌بولقاسم سه‌دری قازی برایێ وی هاتنە ل سێداره دان.
قازی محه‌مه‌د د ژیێ 7 سالیدا ده‌ست ب خواندنێ كریه و پشتی خواندنا زمانێ فارسی لبه‌ر ده‌ستێ مامۆستا و كه‌ساتیێن بەرنیاسێن باژێرێ مه‌هاباد زانستێن وێژه‌یی و فه‌لسه‌فی خواندیه و پلەیێن خواندنێ بلەز دەربازکرنە و پشتی كۆچا دوماهیکێ یا بابێ وی، پێشه‌وا بوویه قازیێ مه‌هاباد.
له 22ێ كانوونا دووێ سالا 1946 ئێکەم كۆمارا كوردستانێ ب پشکداریا نوێنه‌رێن پارچەیێن كوردستانێ هاتە دامه‌زراندن و قازی بوویه سه‌رۆك كۆمار و پشتی چه‌ند هەیڤان د ژیێ كۆمارا كوردستانێ دا، قازی و هەڤالێن وی سزایێ ل سێداره‌دانێ بۆ ده‌رچوو و ل 31ێ 3ێ 1947 ل مه‌یدانا چارچرا یا مه‌هاباد هاتنە ل سێداره دان و قازی ل دەمێ ل سێداره‌دانێ داخاز کر کۆ چاڤێ خۆ نه‌گریت هەتا ب سه‌ر بلندی و چاڤ ڤەکری بەرێ خوە بدەتە نشتیمانی.
تُتاح هذه الصورة أيضا في: کوردی
