نیسان 20, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بۆ ڤەگوهاستن و تەنسیبكرنا فەرمانبەران بریارەك دەرچوو

بۆ ڤەگوهاستن و تەنسیبكرنا فەرمانبەران بریارەك دەرچوو

باسنيوز:
جڤاتا وه‌زیرێن هه‌رێما كوردستانێ، رەزامەندی لسەر ڤەگوهاستنا سەدان فەرمانبەران بۆ دوو سازیێن سەر ب وەزارەتا كەهرەبێ دەرخست.

ل دیف نڤیسارا جڤاتا وه‌زیران، کۆ ل 18ێ3ێ2024 دەرچوویە و وێنه‌‌ك ده‌ست (باسنیوز) كه‌فتیه‌ و نڤیسار ژی بۆ هەمی وه‌زاره‌تان هاتیە هنارتن، تێدا ئاماژە ب داخازیەکا وەزارەتا كەهرەبێ بۆ ڤەگوهاستنا فەرمانبەران كریە.

د نڤیسارێدا تەکەز کر، كۆ رەزامەندن بۆ ڤەگوهاستنا راژێ فەرمانبەران، یان تەنسیبكرنا وان ل سنوورێ پارێزگەها سلێمانی و ئیدارا سەربەخۆیا راپەرین.

ئەو ژی دیار کر، كۆ ل هەر سازی و وەزارەتەكێ فەرمانبەرێن وێ بخوازن ڤەگوهاستنا خۆ بۆ كەهرەبا سنوورێ سلێمانی و ئیدارا راپەرین بکەن، پێتڤیە داخوازیا فەرمانبەران بۆ وەزاەرتا كەهرەبێ بهێتە هنارتن و پاشی جڤاتا وەزیران دێ بریارێ لسەر دەت.

ل دیف نڤیسارەکا كەهرەبێ، كۆ دەست (باسنیوز) كەفتیە، سنوورێ سلێمانیێ پێتڤی ب 231 فەرمانبەران هەیە ژ ئەندازیار و تەكنیكار و یاسایی و ژمێركار و هویربین و شۆفێر و باخەوان و پاسەوان و كارگوزار و كارگێڕی.

ئاماژە ب وێ ژی كر، ئیدارا راپەرین و قەزا و ناحییا پێتڤی ب 100 كارمەندان ژ ئەندازیار و تەكنیكار و پیشەیی هەیە.

بەرێ سەرۆكێ سازیا كارگێڕی و داراییا جڤاتا وەزیرێن كوردستانێ بۆ (باسنیوز) راگەهاندبوو: “ئەو سازی و جهێن ئاریشا كێمی یا میلاكی هەیە و فەرمانبەر نینە، ڤەگوهاستنا راژەی دێ بۆ وان هێتە کرن.”

ئاماژە ب وێ ژی كر، جڤاتا وەزیران بزاڤ کریە کۆ برێکا ڤەگوهاستنا راژەی، ئاریشا سازی و سازیێن حكوومەتێ چارەسەر بكەت.

بۆ دەمێ چەند سالان بوو تەنسیب و ڤەگوهاستنا راژەی دناڤبەرا وەزارەتان هاتبوو راگرتن، بەلێ جڤاتا وەزیران، ل دیف داخازی و پێتڤیێن وەزارەتێ و سازیان ڤەگوهاستنا راژەی ڤەکر.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi