مەسرور بارزانی فەرمان بۆ تەرخانكرنا گوژمێ پێتڤی بۆ پرۆژێ ماستەرپلانا هەلەبجە دەرخست
باسنيوز:
سەرۆكێ حكوومەتا هەرێما كوردستانێ، فەرمان دا ب تەرخانكرنا گوژمێ پێتڤی بۆ پرۆژێ ماستەرپلانا باژێرێ هەلەبجە.
ئەڤرۆ پێنجشەمبی 28/3/2024، ساسان عەونی، وەزیرێ باژێرڤانی و گەشتوگوزارا حكوومەتا هەرێما کوردستانێ راگەهاند: “مەسرور بارزانی، سەرۆكێ حكوومەتا هەرێما كوردستانێ، فەرمان دا ب تەرخانكرنا گوژمێ پێتڤی بۆ پرۆژێ ماستەرپلانا باژێرێ هەلەبجە، سەرۆكێ حكوومەتا هەرێما كوردستانێ د میانێ سەردانا خۆدا بۆ پارێزگەها هەلەبجە فەرمان دا كۆ پرۆژێ ماستەرپلانا هەلەبجە جێبەجێ بكەت و پشتی كۆ لسەر فەرمانا وی مە سەردانا پارێزگەها هەلەبجە كر و ل وەزارەتێ هویركارییا پرۆژەی مە دیراسەت كر و پاشی بۆ نڤیسینگەها جەنابێ سەرۆكێ حكوومەتێ مە بلند كر، ب سوپاسیڤە ل رۆژا 25/3/2024دا، سەرۆكێ حكوومەتا هەرێما كوردستانێ فەرمان دا ب تەرخانكرنا ئەو گوژمێ پێتڤیە بۆ جێبەجێكرنا پرۆژێ ماستەرپلانا باژێرێ هەلەبجە و پێدانا دەستهەلاتێ ب مە بۆ هندێ پێنگاڤێن پرۆژەی ب زیترین دەم دەست پێ بكەین و جێبەجێ بكەین.”
وەزیرێ باژێرڤانیێ ئاماژە ب وێ کر: “ماستەرپلانا هەلەبجە ل ئەولەویەتا پرۆژێن حكوومەتێ و وەزارەتا باژێرڤانی و گەشتوگوزارێدایە د بوارێ دروستكرنا ماستەرپلانێ بۆ باژێر و باژێركان، ژبەرکۆ دێ بیتە ئەگەرێ بووژان و پیتەدان و گەشەسەندنا باژێرێ هەلەبجە ل هەمی رویەكێڤە دێ بیتە بنەمایێ ژێرخانا باژێری، ئەڤ پرۆژە پرۆژەیەكێ بەرفەرهـ و هەمی سێكتەرێن گرنگێن باژێری دێ ب خۆڤە گریت و ل داهاتیدا هەلەبجە دێ قۆناغەكا نوی و پێشكەفتی ب خۆڤە بینیت.”
ئەو ژی دیار کر: “د پرۆژێ ماستەرپلانێدا، لایەنێن كاریگەر وەكۆ ئاراستێ بەرفرەهبوونا باژێر و ب كارئینانا زەڤی و دیاركرنا دەڤەرا پیشەسازی، ئاکنجی، چاندنێ، گەشتیاری، بازرگانی، خزمەتگوزاریێن گشتیێن پێتڤی دێ هێنە دیاری كرن، ل بەرچاڤگرتنا فاكتەرێ ژینگەهی، دیمۆگرافی، جڤاکی، ئابووری، ساخلەمی و پەروەردەی و چەندین بوارێن دی یێن پتڤی ب ڤی بابەتی، هەروەسا پێگەهێ دیروکیێ هەلەبجە و رۆل و كاریگەرییا ڤێ باژێری دێ هێتە بەرچاڤ کرن.”
سەبارەت ب كاریگەرییا بریارا سەرۆكێ حكوومەتا هەرێما كوردستانێ بۆ تەرخانكرنا گوژمێ پێتڤی و پێنگاڤێن بهێت یێن پرۆژەی، ساسان عەونی گوت: “پشتی بریارا تەرخانكرنا گوژمی ژ لایێ سەرۆكێ حكوومەتێڤە، كارێن پرۆژەی دێ چیتە قۆناغەكا پێشكەفتی و پرۆسا كاركرنێ دێ بلەزتر بیت و دێ چیتە وارێ جێبەجێكرنێدا.”
تُتاح هذه الصورة أيضا في: کوردی
