سه‌رۆك بارزانى: هه‌ڤپشكێن خه‌ما گه‌ل و حكومه‌تا رۆسیاینه
گاڤ
سه‌رۆك بارزانى ل دۆر هێرشا شڤێدى ل موسكۆ په‌یامه‌ك به‌لاڤكر و ئه‌و هێرش ب دژوارى شه‌رمزاركر و راگه‌هاند، ئه‌و خۆ ب هه‌ڤشكێن خه‌ما گه‌ل و حكومه‌تا رۆسیا دزانن.
شڤێدى هژماره‌كا چه‌كداران ل باژێرێ کڕاسنۆگۆرسک ل نێزیک مۆسکۆیا پایتەختێ رۆسیا، هێرش كره سه‌ر ئاهه‌نگه‌كێ ل کۆرکوس و ته‌قه ل ئاماده‌بوویان كر، ل گۆره‌ى ئامارێن تا نها هاتینه راگه‌هاندن، هژمارا كوشتییان بۆ نێزیكى 90 كه‌سان بلندبوویه، پترى 100 كه‌سان ژى بریندارن.
سه‌رۆك بارزانى د په‌یاما خۆ دا ل دۆر ڤێ هێرشێ نڤیسى یه” گه‌له‌ك ب دژوارى هێرشا تیرۆرستییا شڤێدى ل موسكۆ شه‌رمزار دكه‌ین، كو تێدا وه‌لاتیێن سڤیل و بێتاوان بووینه ئارمانج، سه‌ره‌خۆشییێ ل مالبات و كه‌سوكارێن قوربانییێن وێ كاره‌ساتێ دكه‌م و خۆ ب هه‌ڤشكێن خه‌ما گه‌ل و حكومه‌تا رۆسیا دزانین.
تُتاح هذه الصورة أيضا في: کوردی
