سەرۆك بارزانی پێشوازییا باڵوێزێ بریتانیا ل عێراقێ کر
باسنيوز:
سەرۆك مەسعود بارزانی، پێشوازییا باڵوێزێ بریتانیا ل عێراقێ كر و چەند مژارەك شرۆڤەکرن.
ئەڤرۆ چارشەمبی 13/3/2024، ل سەلاحەددین، سەرۆك بارزانی پێشوازییا ستیڤن هیچن، باڵوێزێ بریتانیا ل عێراقێ كر، د هەڤدیتنێدا رەوشا سیاسییا عێراقێ و پێشدەچوونێن دەڤەرێ و رەوشا ئەمنی و بزاڤێن بۆ پاراستنا سەقامگیرییا عێراقێ هاتنە شرۆڤە کرن.
هەر د وێ روونشتنێدا، دیتن و نەرین دەربارێ هەلبژارتنێن سەرۆكێ جڤاتا نوێنەرێن عێراقێ و پەیوەندیێن دناڤبەرا هەولێر و بەغدا و بریارێن دادگەها فیدراڵی لهەڤگوهارتن.
رەوشا نافخۆیا هەرێما كوردستانێ و هەلبژارتنێن هەرێما كوردستانێ چەند تەوەرەكێن دی یێن وێ هەڤدیتنێ بوون.
تُتاح هذه الصورة أيضا في: کوردی