ژڤانێ تۆماركرنا به‌ربژێران بۆ ھەلبژارتنێن پەرلەمانێ کوردستانێ هاته ئاشكراكرن
K24 – هەولێر:
كۆمیسیۆنی باڵای هه‌ڵبژاردنه‌كانی عێراق ماوه‌ی پێشكه‌شكردنی كاندیدانی بۆ به‌شداریكردن له هه‌ڵبژاردنی په‌رله‌مانی كوردستان له‌به‌رده‌م هاوپه‌یمانێتیی، پارت و لایه‌نه سیاسییه‌كان و كاندیده سه‌ربه‌خۆكان دیاریكرد.
جومانه غه‌لای گوته‌بێژی كۆمیسیۆنی باڵای هه‌ڵبژاردنه‌كانی عێراق، به كوردستان24ـی راگه‌یاند، له‌ماوه‌ی نێوان 13ـی ئادار تاكو 22ـی ئاداری 2024، ده‌رگای پێشكه‌شكردن له‌به‌رده‌م كاندیدان بۆ به‌شداری له هه‌ڵبژاردنی په‌رله‌مانی كوردستان كراوه ده‌بێت.
رۆژی یەکشەممە (3ـی ئاداری 2024) نێچیرڤان بارزانی، سەرۆکی هەرێمی کوردستان لە مەرسومێکدا، وادەی هەڵبژاردنی خولی شەشەمی پەرلەمانی کوردستان دیاریکرد کە رۆژی (10ـی حوزەیرانی 2024) بەڕێوەدەچێت. لەوبارەیەوە سەرۆکایەتیی هەرێمی کوردستان راگەیەندراوێکی بڵاوکردەوە و ئاماژەی بەبوەکردووە، به‌پێى فه‌رمانه‌كه هه‌موو لايه‌نه په‌يوه‌نديداره‌كان پابه‌ند ده‌بن به ئه‌نجامدانى كارى پێويست بۆ هاوكارى و هه‌ماهه‌نگى له‌گه‌ڵ كۆمیسيۆنى باڵاى سه‌ربه‌خۆى هه‌ڵبژاردنه‌كانی عێراق بۆ جێبه‌جێكردنى فەرمانەکە، کە لە رۆژى ده‌رچوونييه‌وه جێبه‌جێ ده‌كرێت.
تُتاح هذه الصورة أيضا في: کوردی
