نیسان 19, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سه‌رۆك نێچیرڤان بارزانى: دێ ل هه‌مبه‌رى هه‌ر سته‌م و ده‌ستدرێژییه‌كا دژى ئافره‌تان راوه‌ستین

سه‌رۆك نێچیرڤان بارزانى: دێ ل هه‌مبه‌رى هه‌ر سته‌م و ده‌ستدرێژییه‌كا دژى ئافره‌تان راوه‌ستین

گاڤ

سه‌رۆكێ هه‌رێما كوردستانێ په‌یامه‌ك ب هه‌لكه‌فتا هه‌شتى مارسێ رۆژا جیهانییا ژنان به‌لاڤكر و راگه‌هاند، پشكدارییا ژنان د هه‌موو وارێن ژیانێ دا ل كوردستانێ جهێ ئۆمێدێ یه‌.

ئه‌ڤرۆ ئه‌ینیێ 8-3-2024ێ نێچیرڤان بارزانى، سه‌رۆكێ هه‌رێما كوردستانێ په‌یامه‌ك ب هه‌لكه‌فتا هه‌شتى مارسێ رۆژا جیهانییا ژنان به‌لاڤكر و ئه‌و ژن ل بیر ئینان یێن د كاروانێ خه‌تابێ دا بۆ پاراستن و به‌ره‌ڤانیكرن ژ مافێن خۆ سه‌رێ خۆ داناین، یان ب نه‌حه‌قى بووینه‌ قوربانى توندتكاریێ و هزرا توندڕێ و پاشكه‌فتى، دوپاتكر، هه‌موو شیانان دێ هه‌مبه‌رى هزر، گۆتن، سته‌م، ده‌سترێژی و نه‌هه‌قیێن ل هه‌مبه‌رى ژنان دهێنه‌كرن بكارئینین.

سه‌رۆكێ هه‌رێما كوردستانێ دبێژیت: ئه‌و ب گه‌شبینى و چاڤێ ئۆمێدی ل كارایى، پشكدارى و هه‌ڤپشكییا ژنان د هه‌موو وارێن ژیانێ دا ته‌ماشه‌ دكه‌ت و دوپاتكر، ئه‌و د خوازن زێده‌تر وه‌ك هه‌رده‌م د بزاڤ و تێكۆشینا خۆ دا بۆ مسۆگه‌ركرنا زێده‌تر یا رۆل و ئاماده‌ی، ده‌لیڤه‌ و پێگه‌هێ ژنێ د هه‌موو وارێن ژیانێ دكه‌ن و داخواز ژ ئالیێن سیاسى ژى كر د هه‌لبژارتنێن بهێت دا گرنگییه‌كا زێده‌تر ب به‌ربژارێن ژن بده‌ن.

سه‌رۆك نێچیرڤان بارزانى هه‌روه‌سا دازانین، كۆمه‌لگه‌هه‌كا ئازاد، شارستانى و پێشكه‌فتى كو ئارام و كه‌یفخۆش بیت كو نفشه‌كى ب شیان پێبگه‌هینیت و پاشه‌رۆژه‌كا باشتر ئاڤا بكه‌ت، بێى ئازادى، یه‌كسانى و مافێن ژنان ب ده‌ستڤه‌ ناهێت، ژبه‌ر ڤێ یه‌كێ ژى ئه‌ركێ هه‌موویانه‌ ل سه‌ر هه‌موو ئاسته‌كێ كۆمه‌لگه‌هێ بڤی باوه‌رییا تێگه‌هشتى پشته‌ڤانیێ ل خه‌باتا ژنان و بكه‌ت و تا سه‌ركه‌فتنێ ل گه‌ل وان بیت.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi