نیسان 14, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

حكومه‌تا هه‌رێمێ: پتر ژ 900 هه‌زار ئاواره‌ و په‌نابه‌ران ل هه‌رێمێ هه‌نه‌ و تێچوویێن وان 842 ملیۆن دۆلارن

حكومه‌تا هه‌رێمێ: پتر ژ 900 هه‌زار ئاواره‌ و په‌نابه‌ران ل هه‌رێمێ هه‌نه‌ و تێچوویێن وان 842 ملیۆن دۆلارن

باسنيوز:

تێچوویا خزمەتگوزاری بۆ ئاوارە و پەنابەران لسەر حکوومەتا هەرێما کوردستانێ، رۆژانە بۆ هەر کەسەکێ دوو دۆلار و سێ سەنتە و سالەکێ، نزیكی 850 ملیۆن دۆلارە، بەرپرسەكێ ژی گۆت: “ئەو هاریکاریێن ژلایێ حکوومەتا عێراقێ دهێتە دابین کرن، هاریکارییەکا زۆر کێمە و پێتڤیێن ئاواران دابین ناکەت، بەلکوو زۆربەیا ئەرکی لسەر هەرێما کوردستانێ یە”.

حكوومەتا هەرێما کوردستانێ بڵاڤکر، ل دیڤ ئامارێن ناڤەندا هەڤەشییا هەماهەنگییا قەیرانان، 946 هزار پەنابەر و ئاوارە ل هەرێما كوردستانێ هەنە، كۆ 631 هزار ئاوارە یێن ناڤخۆیێن عێراقێ نە.

دا دیار کرن كۆ زێدەتر ژ 263 هزار کەس ژی، پەنابەرن، ژ وانا: 251 هزار و 475 کەس، پەنابەرێن سوورینە 7 هزار و 796 کەس، پەنابەرێن تورکینە 8 هزار و 357 کەس، پەنابەرێن ئێرانێنە 652 کەس، پەنابەرێن فەلەستینێ 1هزار و 13 کەس، پەنابەرێن جۆراو جۆرن ئەو ژی دیار کر، كۆ کۆما گشتییا پەنابەران و ئاواران 30% دناڤ کەمپاندا دژین، 70% ل دەرڤەی کەمپان دژین و نزیکەی 110 هزار خێزانێن عێراقێ ئاوارەی هەرێما کوردستانێ نە.

دەربارەی کەمپان ژی، ئاماژە ب وێ کر، كۆ 33 کەمپ ل هەرێما کوردستانێ هەنە، 41% ل پەنابەر و ئاواران ل پارێزگەها هەولێرێنە، 40% ل پارێزگەها دهۆک و 19% ل پارێزگەها سلێمانی یێنە. تەکەز ژی کر، هەتا هەیڤا 12ێ سالا 2023، تنێ چوارهزارو41 ئاوارە و پەنابەر ڤەگریانە دەڤەر و ولاتێ خۆ.

فەرمانگەها میدیا و زانیاریێن حكوومەتا هەرێما كوردستانێ ئاشكرا ژی كر: ” تێچوویا خزمەتگوزاری بۆ ئاوارە و پەنابەران لسەر حکومەتا هەرێما کوردستانێ، رۆژانە بۆ هەر کەسەکێ دوو دۆلار و سێ سەنتە کۆ بەرامبەر ب نزیکی ملیۆنەك کەس و بۆ سالەکێ، دگەهیتە 842 ملیۆن دۆلاران.”

سروە رەسوڵ، رێڤەبەرێ گشتیێ ناڤەندا هەماهەنگییا قەیرانان، بۆ فەرمانگەها میدیا و زانیارییان راگەهاند: “ئەو ئاوارێن ل 2014 نەشیان ڤەگەرن، ژبەرکو ئاریشێن وان چارەسەر نەبووینە، نیڤا وان ئاواران ل هەرێما کوردستانێ نە، ئاوارەیێن شەنگالێ نە، ئەڤە ژبلی ل ئاوارێن خواروویا عێراقێ، کۆ ئاریشێن وان نە هاتینە چارەسەر هەتا ڤەگەرن.”

گوتژی: “ئەو هاریکاریێن ژلایێ حکوومەتا عێراق و وەزارەتا کۆچ و کۆچبەران دهێنە دابین کرن، هاریکارییەکا زۆر کێمە و پێتڤیێن ئاواران دابین ناکەت، بەلکوو زۆربەیا ئەرکی لسەر هەرێما کوردستانێ یە”.

دووپات كر: “هەرێما کوردستانێ، سەربارێ قەیرانێن دارایی، ب شێوەیەکێ مرۆڤدۆستانە یارمەتییا ئاوارە و پەنابەران دایە، حکومەتا عێراقێ ژی وەکوو پێتڤی پێتڤیێن ولاتیێن ئاوارێن خۆ ل هەرێما کوردستانێ تژی ناکەت و دیف هەوارا وان ناهێت.”

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi