نوونەرێ ئەمریكا ل هەڤپەیمانییا ناڤدەولەتی: ئەم ل عێراقێ خۆ ناڤەکێشین
باسنيوز:
نوێنەرێ ئەمریكا، ل هەڤپەیمانییا ناڤدەولەتییا دژی داعشێ راگەهاند، د نوکەدا ئەمریكا پلانا ڤەكێشانێ نینە ل عێراقێ، رۆلێ هەڤپەیمانییا ناڤدەولەتی ل دەڤەرێ بۆ گەشەپێدانا شیانێن هێزێن نافخۆیینە.
ئەیان مەكاری، نوێنەرێ ئەمریكا ل هەڤپەیمانییا ناڤدەولەتی دژی داعشێ، بۆ کەناڵێ حورە یا ئەمریکی راگەهاند، نوکە چ پلانەك نینە بۆ ڤەكێشانا ئەمەریكا ل عێراقێ ئەو ژی گوت: “رۆلێ هەڤپەیمانییا ناڤدەولەتی، بۆ پەرەپێدانا شیانێن نافخۆییە.”
زەلالژی کر، گۆتۆبێژێن ناڤبەرا عێراق و ئەمریكا، بۆ هاریكاریێن ئەمنی بەردەوامە، هەروەسا گوت: “بزاڤێن رازیكرنا عێراقێ لسەر مانەڤا هەڤپەیمانییا ناڤدەولەتی بەردەوامن.”
عێراق و ئەمریكا كۆكن بۆ رووبرووبوونا داعشێ، مەكاری ئەو ژی دیار کر، رۆلێ هەڤپەیمانیێ د ناڤ عێراقێدا پێشكێشكرنا هاریكاریێن تەكنیكی و پشتەڤانی كرنە ژ عێراقییان.
ئەڤە د دەمەکێدایە کۆ چەند كۆمبوونەك دناڤبەرا هێزێن ئەمریكا و عێراقێ هاتنە کرن بۆ ڤەكێشانا هێزێن هەڤپەیمانان، رۆژا پێنجشەمبیا بوری، راپۆرتا دوماهیکا پلانا ڤەكێشانا هێزان رادەستی هێزێن ئەمریكا هاتیە كرن.
هژمارا سەربازێن ئەمریكا ل عێراقێ، دوو هزار و 500 سەربازن و بۆ رووبربوونا داعشێ ل عێراقێنە، بەلێ لسەر داخازا گرووپێن چەكدار و میلیشیایێن عێراقێ، محەمەد شیاع سوودانی، سەرۆك وەزیرێن عێراقێ، ناچار كریە بۆ دەست پێكرنا گۆتۆبێژان دەربارێ ڤەكێشانا هێزێن هەڤپەیمانییا ناڤدەولەتیی ل عێراقێ.
تُتاح هذه الصورة أيضا في: کوردی
