سه‌رۆك بارزانى ل گه‌ل سه‌رۆكێ ئه‌رمه‌نستانێ كۆمبوو
گاڤ
سه‌رۆك مه‌سعوود بارزانى ل گه‌ل سه‌رۆكێ ئه‌رمه‌نستانێ كۆمبوو، دوماهى پێشهات و په‌یوه‌ندیێن دیرۆكى یێن ناڤبه‌را گه‌لێن كورد و ئه‌رمه‌نان دا به‌حسكرن.
ئه‌ڤرۆ پێنجشه‌مبێ 29-2-2024ێ ل پیرمام سه‌رۆك مه‌سعوود بارزانى، ل گه‌ل ڤاهاگن خاچاتوریان، سه‌رۆكێ ئه‌رمه‌نستانێ كۆمبوو، د د دیدارێ دا سه‌رۆكێ ئه‌رمه‌نستانێ به‌حس ل پێشكه‌فتن و ئارامییا ل هه‌رێما كوردستانێ كر و رۆلێ سه‌رۆك بارزانى د ره‌خساندنا ژینگه‌هه‌كا ئارام و پێكڤه‌ژیانا د ناڤبه‌را پێكهاتان دا ل هه‌رێما كوردستانێ و هه‌روه‌سا به‌رهنگاربوونا تیرۆر و توندڕه‌ویێ بلند نرخاند.
هه‌ر د كۆمبوونێ دا سه‌رۆك بارزانى ب گه‌رمى بخێرهاتنا سه‌رۆكێ ئه‌رمه‌نستانێ كر و ئاماژه ب په‌یوه‌ندیێن دیرۆكى د ناڤبه‌را گه‌لێ كوردستانێ و گه‌لێ ئه‌رمه‌نستانێ دا كر و سوپاسیا سه‌رۆك و وه‌لاتێ ئه‌رمه‌نستانێ كر بۆ رێزگرتنا ل مافێنن كوردێن ئاكنجى ل وى وه‌لاتى و هه‌ر دو ئالى هه‌ڤڕابوون كو ئاشتى تاكه رێكا چاره‌كرنا كێشه‌یێن گه‌لێن ناوچێ و نفشێ بهێتن.
د پشكه‌كا دى یا دیدارا خۆ دا په‌یوه‌ندیێن بازرگانى د ناڤبه‌را هه‌رێما كوردستانێ و وه‌لاتێ ئه‌رمه‌نستانێ دا به‌حسكرن.
په‌یوه‌ندیێن ناڤبه‌را هه‌رێما كوردستانێ و ئیراقێ ته‌وه‌ره‌كێ دى یێ دیدارێ بوو، سه‌رۆك بارزانى دوپاتكر، پابه‌ندبوون ب ده‌ستوورى تاكه رێكا چاره‌یا كێشه‌یێن ناڤبه‌را هه‌رێما كوردستانێ و حكومه‌تا ئیراقێ یه.
تُتاح هذه الصورة أيضا في: کوردی
