نیسان 21, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سه‌رۆك نێچیرڤان بارزانى و ئێكه‌تیا ئه‌ورۆپى: سه‌قامگیریا هه‌رێما كوردستانێ بۆ هه‌موو ده‌ڤه‌رێ یا گرنگه‌

سه‌رۆك نێچیرڤان بارزانى و ئێكه‌تیا ئه‌ورۆپى: سه‌قامگیریا هه‌رێما كوردستانێ بۆ هه‌موو ده‌ڤه‌رێ یا گرنگه‌

گاڤ

سه‌رۆكێ هه‌رێما كوردستانێ و به‌رپرسێ سیاسه‌تا ده‌رڤه‌ یا ئێكه‌تیا ئه‌ورۆپى د هه‌ڤرانه‌ كو سه‌قامگیریا ئیراقێ و هه‌رێما كوردستانێ بۆ هه‌مى ده‌ڤه‌رێ یا گرنگه‌ و هێرشێن ل سه‌ر هێزێن هه‌ڤپه‌یمانان گه‌فن بۆ سه‌ر ئاسایش و ئارامیا ئیراقێ.

سه‌رۆك نێچیرڤان بارزانى و جۆزێپ بۆرێل جێگرێ سه‌رۆكێ ئێكه‌تیا ئه‌ورۆپى و به‌رپرسێ بلند یێ سیاسه‌تا ده‌رڤه‌ و كاروبارێن ئه‌منى یێ ئێكه‌تیا ئه‌ورۆپى ئه‌ڤرۆ شه‌مبیێ ل میۆنشن د په‌راوێزا كۆنفرانسێ میۆنشن یێ ئێمناهیێ دا كۆمبوون.

ل گۆره‌ى راگه‌هاندنه‌كا سه‌رۆكایه‌تیا هه‌رێما كوردستانێ “د كۆمبوونه‌كێ دا، هه‌ردو لایان به‌حس ل مه‌ترسى و گه‌فێن ل سه‌ر ره‌وشا ئه‌منى و سه‌قامگیریا رۆژهه‌لاتا ناڤین و كارڤه‌دانێن وێ ل سه‌ر وه‌لاتێن ده‌ڤه‌رێ دا و ب تایبه‌تى ئیراقێ كرن و دوپاتى ل سه‌ر پێدڤیاتیا رێگرتنێ ل ئالۆزبوونا پتر ژ یا ره‌وشێ كرن”.

د راگه‌هاندنێ دا هاتیه‌ ژى ” هه‌ردو لایه‌ن د هه‌ڤرا بوون كو ئارامى و سه‌قامگیریا ئیراقێ و هه‌رێما كوردستانێ بۆ هه‌مى ده‌ڤه‌رێ یا گرنگه‌ و نابیت ئیراق بكه‌ڤیته‌ دناڤ كێشه‌ و ئالۆزیێن ده‌ڤه‌رێ دا و دوپاتكرن كو هێرشێن ل سه‌ر هێزێن هه‌ڤپه‌یمانان ل ئیراقێ و هه‌رێما كوردستانێ و كارڤه‌دانێن وێ گه‌فن ل سه‌ر ئاسایش و ئارامیا ئیراقێ”.

ئاماژه‌ ب وێ چه‌ندێ ژى كریه‌ “بۆرێل دوپاتكر كو ئێكه‌تیا ئه‌ورۆپى یا پێگیره‌ ب هاریكارى و پشته‌ڤانیا ئیراقێ و هه‌رێما كوردستانێ بۆ پاراستنا ئاسایش و سه‌قامگیریێ و پێشخستنا وه‌لاتى د هه‌مى بواران دا، ب تایبه‌تى ژى بۆ بهێزكرنا شیانێن وان ژ روویێ ئه‌منى و به‌رگریێ ڤه‌”.

ژ لایێ خۆڤه‌، سه‌رۆك نێچیرڤان بارزانى سوپاسیا رۆلێ دیار و به‌رچاڤ یێ وه‌لاتێن ئێكه‌تیا ئه‌ورۆپى د هاریكاریكرنا ئیراقێ و هه‌رێما كوردستانێ دا كر و به‌رده‌وامیا پشته‌ڤانیا ئێكه‌تیا ئه‌ورۆپى بۆ ئیراقێ و هه‌رێما كوردستانێ ب پێدڤى و گرنگ لقه‌له‌مدا، وه‌كى به‌یانا سه‌رۆكاتیێ ئاماژه‌پێكرى.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi