نیسان 14, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

دوماهیك ژڤانێ تۆماركرنا داتایێن مامۆستایێن وانه‌بێژ یێن نه‌دامه‌زراندى د سیسته‌مێ ئى په‌روه‌رده‌ دا هاته‌ ده‌ستنیشانكرن

دوماهیك ژڤانێ تۆماركرنا داتایێن مامۆستایێن وانه‌بێژ یێن نه‌دامه‌زراندى د سیسته‌مێ ئى په‌روه‌رده‌ دا هاته‌ ده‌ستنیشانكرن

گاڤ

وه‌زاره‌تا په‌روه‌ردێ یا هه‌رێما كوردستانێ داخواز ژ مامۆستایێن وانه‌بێژ یێن نه‌دامه‌زراندى كر داتایێن خۆ د سیسته‌مێ ئى په‌روه‌رده‌ دا تۆماربكه‌ن و رۆژا 22ى ڤێ هه‌یڤێ دویماهیك ژڤانه‌ بۆ ڤێ چه‌ندێ.

وه‌زاره‌تا په‌روه‌ردێ ئه‌ڤرۆ رێكه‌فتى 15/2/2024 گشتاندنه‌ك كو ئیمزایا ئالان حه‌مه‌ سه‌عید وه‌زیرێ په‌روه‌ردێ ل سه‌ره‌ ل دۆر دانانا مامۆستایێن وانه‌بێژ یێن نه‌دامه‌زراندى د سیسته‌مێ ئی په‌روه‌رده‌ دا ئاراسته‌ى رێڤه‌به‌ریێن په‌روه‌ردێ یێن هه‌ولێر، سلێمانیێ، دهۆك، هه‌له‌بجه‌، گه‌رمیان، زاخۆ، سۆران، راپه‌رین و خواندنا كوردى ل كه‌ركووكێ كریه‌.

ل گۆره‌ى وێ گشتاندنێ “ژ رۆژا ئێكشه‌مبیێ 18ى ڤێ هه‌یڤێ تا رۆژا 22ى ڤێ هه‌یڤێ سیسته‌مێ ئى په‌روه‌رده‌ دێ ڤه‌كرى بیت وه‌ك دویماهیك ده‌لیڤه‌ بۆ پڕكرنا داتایێن مامۆستایێن وانه‌بێژ یێن نه‌دامه‌زراندى، هه‌ر كێماسیه‌ك د داتایێن مامۆستایێن وانه‌بێژ یێن نه‌دامه‌زراندى دا هه‌بن به‌رپرسیاری د ستۆیێ رێڤه‌به‌ریا ناڤه‌ندا خواندنێ دا‌یه‌ چونكى ئه‌گه‌ر كێماسى د داتایان دا هه‌بیت چ به‌رپرسیارى و پێگیرى مه‌ ل به‌رانبه‌ر نابیت”.

ديار ژى كریه‌؛ پێدڤیاتیێن سه‌ره‌كى ئه‌ڤه‌نه‌:

1. ژماره‌یا به‌شه‌ وانه‌یان.

2. جۆرێ باوه‌رنامه‌یێ و ناڤێ زانكۆیێ و رێكه‌فتا بده‌ستڤه‌ئینانا باوه‌رنامه‌یێ

3. پسپۆرى

4. شایسته‌یێن دارایى یێن دویماهیك هه‌یڤ

5. ره‌گه‌ز و ره‌گه‌زنامه‌ و سال و هه‌یڤ و رۆژا ژدایكبوونێ و گرۆپێ خوینێ و ژماره‌یا ئه‌ندامێن خێزانێ و بارێ خێزانداریێ.

6. خۆلا شیاندنێ ب وێ ورده‌كاریا د سیسته‌مى دا

7. خۆدان شه‌هید و ژماره‌یا موبایلێ یا دروست

8. رێكه‌فتا ده‌ستبكاربوونێ ب ژماره‌یا ئێكه‌م فه‌رمانا كارگێرى و رێكه‌فتنا دویماهیك فه‌رمانا كارگێرى

9. ناڤێ چارقولى وه‌كى د به‌لگه‌نامه‌یا فه‌رمى دا هه‌یه‌

10. هه‌روه‌سا ئه‌گه‌ر ل پتر ژ قوتابخانه‌یه‌كێ وانه‌یان بێژیت پێدڤیه‌ د سیسته‌مى دا هه‌مى هویركاتیان بنڤیسن، ب به‌روڤاژى دێ ژ هه‌ر مافه‌كێ بێبه‌ش بن و پاشى ئه‌م نه‌شێین چ مامه‌له‌یان بۆ بكه‌ین و داتایێن پشتبه‌ستن ل سه‌ر دهێته‌ كرن دێ ب تنێ داتایێن د ناڤ سیسته‌مى دا بن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi