پەرلەمانتاره‌ك: هه‌تا هه‌مواركرنا قانوونا بودجه‌یی هه‌یڤانه به‌غدا دێ 618 ملیار دیناران بۆ هه‌رێما كوردستانێ هنێریت
ئاژانسا خانی:
پەرلەمانتاره‌كا فراکسیۆنا پارتی دیموكراتی كوردستان ل پەرلەمانێ عێراقێ دیار كر: هنده‌ك په‌رله‌مانتار وه‌سا دیاردكه‌ن” كو ئێدی به‌غدا چ پاران بۆ ھەرێما کوردستانێ ناهنێریت” چ راستی بۆ ڤی بابه‌تی نینە، هه‌روه‌سا هه‌تا ھەموارکرنا قانوونا بودجەیێ گشتی یی عێراقێ هه‌یڤانە به‌غدا بۆ دابه‌شكرنا مووچه‌یی دێ 618 ملیار دیناران رەوانەیی ھەرێما كوردستانێ كه‌ت.
د. نەھلە قادر، زێده‌تر بۆ ئاژانسا خانی دبێژیت: هنارتنا پشكا بودجه‌یێ ھەرێما کوردستانێ مافه‌كێ قانوونی و دەستووری یێ خەلكێ ھەرێما کوردستانێیە، د هه‌مان ده‌مدا ئەرکێ حکومەتا عێراقییه هه‌یڤانە مووچە و شایستەیێن دارایی یێن فەرمانبەرێن ھەرێما كوردستانێ رەوانە بکه‌ت، دیسان پێدڤییە به‌غدا 618 ملیار دیناران ب ره‌نگه‌كێ بەردەوام بۆ هه‌رێما كوردستانێ بهنێریت ھەتا قانوونا بودجەیێ گشتییێ عێراقێ دهێته ھەموارکرن.
ناڤهاتییێ گۆت ژی: حکومەتا ھەرێمێ و پەرلەمانتارێن کورد ل به‌غدا د بەردەوامن ل سەر زامنکرنا مافێن دارایی یێن خه‌لكێ ھەرێما کوردستانێ و بڕیارە لدووڤ رێککەفتنا حكومه‌ها هه‌رێمێ و به‌غدا بابه‌تێ مووچەیێ فەرمانبەرێن ھەرێمێ ل ده‌مێ ھەموارکرنا قانوونا بودجەیی دا ب ره‌نگه‌كێ بنەرەتی بهێته چارەسەر كرن.
تُتاح هذه الصورة أيضا في: کوردی
