هەموو خانەنشین دهێنە ئاگەهدار کرن
باسنيوز:
رێڤەبەراتییا گشتییا خانەنشینیا هەرێما كوردستانێ، هەمی خانەنشین و میراتگرێن خانەنشینان ژ هویركاریێن فۆرمەكا تایبەت دهێنە ئاگەهدار کرن.
ل دیف فۆرمەكێ، كو ژ لایێ رێڤەبەراتییا گشتییا خانەنشینیێ، برێکا بانكان دایە خانەنشینان و كۆپییەكا تایبەت دەست (باسنیوز) كەفتیە، کۆ تێدا چەندین زانیاریێن خانەنشینیێ داخاز کرینە، ژ وانا: ناڤێ خانەنشین یان میراتگرێ خانەنشینی، دگەل ناڤێ وێ بانكا کۆ مووچەی لێ وەردگریت، دگەل كۆدێ بایۆمەتری، هەروەسا چەندین زانیاریێن تایبەت ب پێناسا بارێ كەسی و كارتا نیشتمانی و جهێ ئاکنجیبونێ و كارتا زانیاری د فۆرمێدا هاتینە داخاز کرن.
د فۆرمێدا ئاماژە ب وێ كریە، ئەو خانەنشینێن بریكارنامێن تایبەت (وەكالە) كرینە بۆ كەسێ دووێ، دڤێت ئەو ب خۆ بەرهەڤ بیت و موچەی وەربگریت.
ئەو ژی دیار کر، ئەو خانەنشینێن ل دەرڤەی ولاتینە و بریكارنامە بۆ كەسێ دووێ كریە، پێتڤیە برێکا بالوێزخانا عێراقێ، یان برێکا نوینەراتییا حكوومەتا هەرێما كوردستانێ، بریكارنامێن فەرمێ پنێرن، ب وی مەرجی برێکا فەرمانگەها پەیوەندیێن دەرڤە یا حكوومەتا هەرێما كوردستانێ بهێنە پەسند کرن.
بەرپرسەكێ رێڤەبەرییا گشتیا خانەنشینییا هەرێما کوردستانێ بۆ (باسنیوز) راگەهاند: “دبێژنە وێ فورمی بەلگەنامێ بەرهەڤبوونا سالانە یا خانەنشینی دگەل مووچەیێ هەیڤا ئێك، فۆرم دابەشی سەر خانەنشین و میراتگرێن خانەنشینان كریە، ئەو کەسێ کۆ وەرنەگرتیە، دڤێت سەردانا بانكا خۆ بكەت و فۆرمێ وەربگریت و پاشی ڤەگەرینیت.”
ئاماژە ب وێ کر: “بۆ مووچەیێ هەیڤا دوو دڤێت خانەنشین، یان ژی میراتگر بەرهەڤ بیت بۆ وەرگرتنا مووچەی و زانیاری ژی تەمام و دروست بن.”
دڤێت وێ فۆرمێ بدەنە وێ بانكا کۆ خانەنشین مووچەیێ خوە ژێ وەردگریت و كۆپییا ناسناڤێ خانەنشینی و كارتا زانیاری و كارتا نیشتمانی ژی دگەل فۆرمێدا هەبیت.
ل هەرێما كورستانێ، زێدەتر ژ 247 هزار خانەنشینێن سەربازی و شارستانی مووچەی وەردگرن و ئەو فۆرم ژی هەمی وان خانەنشینان ڤەدگریت.
تُتاح هذه الصورة أيضا في: کوردی
