شاندا سه‌رۆكاتیا هه‌رێمێ ل گه‌ل سیناتۆر و لژنه‌یێن هه‌والگێرى و كاروبارێن ده‌رڤه و سه‌ربازى كۆمبوو
گاڤ
شاندا سه‌رۆكایه‌تیا هه‌رێما كوردستانێ ل ئه‌مریكا جودا ل گه‌ل سیناتۆر و ئه‌ندامێن لژنه‌یا هه‌والگێرى و كاروبارێن ده‌رڤه و سه‌ربازى كۆم دبیت، پشته‌ڤانیا كۆنگرێسێ ئه‌مریكا بۆ هه‌رێما كوردستانێ ته‌وه‌ره‌كێ دى یێ دیدار و كۆمبوونان بوو.
سه‌رۆكایه‌تیا هه‌رێما كوردستانێ راگه‌هاند، د به‌رده‌وامیا سه‌ره‌دانا خۆ دا بۆ ئه‌مریكا شاندا سه‌رۆكایه‌تیا هه‌رێما كوردستانێ جودا ل گه‌ل هه‌ر ئێك ژ سناتۆر بیل هاگەرتی، ئەندامێ لیژنەیا پەیوەندیێن دەرڤه یێ سیناتێ، مایك تێرنەر، سەرۆكێ لژنەیا هەوالگێری ل جڤاتا نوونه‌ران، سیناتۆر تێد بەد، ئەندامێ لژنه‌یا كاروبارین سەربازی ل سیناتێ، سیناتۆر جۆ مەنچین، ئەندامێ لژنه‌یا كاروبارێن سەربازی ل سیناتێ، سیناتۆر كریس ڤان هۆلن، ئەندامێ لژنەیا كاروبارێن دەرڤه ل سیناتێ و سیناتۆر جۆنی ئێرنست، ئەندامێ لژنەیا كاروبارێن سەربازی ل سیناتێ، كۆمبوو.
د دیدار و كۆمبوونان دا شاندا سه‌رۆكایه‌تیا هه‌رێمێ ره‌وشا گشتى یا هه‌رێما كوردستانێ و ئیراقێ دیاركر، هه‌روه‌سا ده‌رباره‌یى په‌یوه‌ندیێن ئه‌مریكا ل گه‌ل ئیراق و هه‌رێما كوردستانێ، پرۆسه‌یا چاكساى و ئێكخستنا هێزێن پێشمه‌رگه‌ى دانوستاندن كرن.
پشته‌ڤانیا كۆنگرێسێ ئه‌مریكا بۆ هه‌رێما كوردستانێ ته‌وه‌ره‌كێ دى یێ دیدار و كۆمبوونان بوو، د ڤى وارى دا شاندێ سه‌رۆكایه‌تیا هه‌رێمێ سوپاسى و پێزانین بۆ كۆنگرێسێ ئه‌مریكا دوپاتكرن و ئالیێن ئه‌مریكى ژى به‌حس ل دۆستایه‌تى و هه‌ڤپشكا هه‌رێما كوردستانێ ل گه‌ل ئه‌مریكا كر و ب گرنگ به‌حس ل ئازادیا ئۆلى و پێكڤه‌ژیانا پێكهاتێن جودا ل هه‌رێما كورستانی كر و فره‌یا كلتۆرى و هه‌مه‌ره‌نگیا ل هه‌رێما كوردستانێ بلند نرخاند.
ره‌وشا رۆژهه‌لاتا ناڤین و ئه‌گه‌ر و ده‌رئه‌نجام، ئالیه‌كێ دى یێ دیدار و كۆمبوونان بوون و هه‌روه‌سا شاندێ سه‌رۆكایه‌تیێ ب ئاماده‌بوونا بالیۆزێ ئه‌مریكا ل ئیراقێ ژ ئالیێ ژوورا بازرگانى یا ئه‌مریكى مێڤان بوون.
شاندا هه‌رێمێ ب سه‌رۆكایه‌تیا فه‌وزى هه‌ریرى، سه‌رۆكێ دیوانا سه‌رۆكایه‌تیا هه‌رێمێ، فه‌لاح مسته‌فان هاریكارێ سه‌رۆكى بۆ كاروبارێن سیاسه‌تا ده‌رڤه، نیاز سالح مسته‌فان به‌رپرسا په‌یوه‌ندیێن ده‌ره‌ڤه و دبلۆماسى ل سه‌رۆكایه‌تیێ پێكهاتبوون و تریفه عه‌زیزن نوونه‌را حكومه‌تا هه‌رێما كوردستانێ ل واشونتون ژى یاوه‌ریا شاندى دكر.
تُتاح هذه الصورة أيضا في: کوردی
