رۆژناما (العربي الجديد): ئیرانێ بزاڤ کریە کۆ پەیوەندیێن خۆ دگەل هەولێرێ ئارام بکەت
باسنيوز:
ڕۆژنامەکا عەرەبی ئاشكرا كر، كۆمارا ئیسلامییا ئیرانێ بزاڤ کریە کۆ پەیوەندیێن خۆ دگەل هەرێما كوردستانێ ئاسایی بکەت، د دەمەکێدا هەرێما كوردستانێ مژوولێ بەرهەڤکرنا دۆسیەیەكا تەمامە دەربارێ وێ هێرشا كۆ لەشکەێ پاسداران ب مووشەكان كریە سەر هەولێرێ.
شەڤا 15 لسەر 16ێ 1ێ 2024، لەشکەرێ پاسدارانێن ئیرانێ برێکا 11 مووشەكێن بالیستی، هەولێر مووشەكباران كر كۆ زۆربەیا مووشەكان بەر مالا وەبەرهێنەرێ ناڤدارێ هەولێرێ پێشڕەو دزەیی كەفتن، د ئەنجامدا چار كەسان ژیانا خۆ ژ دەست دا و هژمارەكا دی ژی بریندار بوون كۆ هەمی كەسانێن سڤیل بوون.
د ڤی واریدا ڕۆژنامەیا (العربي الجديد) د راپۆرتەكێدا بەحسا وێ كر کۆ رۆژا سێشەمبییا حەفتیا بووری، وەزارەتا دەرڤەیا عێراقێ راگەهاند كۆ ل دژی هێرشا ئیرانێ، سكاڵا ل جڤاتا ئاسایشا ناڤدەولەتی تۆمار كریە، سكاڵا ژی برێکا نوێنەراتیا هەمیشەیی یا عێراقێ ل نیویۆركێ پێشكێشێ ئەمیندارێ گشتیێ نەتەوێن ئێكگرتی و سەرۆكێ جڤاتا ئاسایشا ناڤدەولەتی هاتیە کرن.
وێ ڕۆژنامە ئاشکراکر: ”هەرێما كوردستانێ، یا جددییە کۆ ئیرانێ تۆهمەتبار بكەت ب هندێ کۆ ب هێجەتێن نەراست مالێن كەسێن سڤیل مووشەكباران كریە، هەرچەندە ئیرانێ د ڕۆژێن بووریدا بزاڤا تەناکرنا رەوشێ دگەل هەولێرێ کریە، بەلێ هێشتا پەیوەندی ئاسایی نینە، دەسهتەلاتدارێن هەرێما كوردستانێ دخازن پشتراستیێ بدەنە گەلێ كوردا کۆ ئەو هێرش دووبارە نەبن.“
هەر وێ ڕۆژنامێ ئاشكرا كر، كۆ د چارچۆڤێ ڤەكۆلیناندا، پاشماوێ پشکەک ژ تەرماا پشكنین بۆ هاتیە كرن، ب مەرەما پشكنینا وان ماددێن كۆ دروستكرنا مووشەکێن ئیرانییاندا بكار ئیناینە: ”هەمی بەلگە دێ د راپۆرتا دوماهیکێدا هێنە كۆمکرن و پێشكێشێ جڤاتا ئاسایشا ناڤدەولەتی هێنە كرن.“
تُتاح هذه الصورة أيضا في: کوردی
