دەمێ گه‌هشتنا شه‌پۆلەكا بهێز یا به‌فر و باران و سه‌رمایێ هاتە راگه‌هاندن
باسنيوز:
ئاراس جه‌بار، شەهره‌زایێ سەقاناسیێ، راگه‌هاند: ل رۆژا دووشه‌مبی 22/1/2024، ھەرێما کوردستانێ دێ کەڤیتە بن کاریگەرییا رەوشەکا نەجێگیر یا کەشوھەوای، ژبەرکۆ کاریگەرییا دوو نزمەپاڵەپەستۆ ل دەریایا ناڤین و سوور دێ سەرھەلدەن و تاڤەکا بارانێ ب رێژێن جودا دێ دەست پێکەت، ل دەڤەرێن چیایی ژی ڕێژا بارانبارینێ دێ زێدەتر بیت و ھندەک دەما ئەگەرێ چالاکبوونا عەڤروبریسی و باران ژی دێ هەبن ل دەم و جهێن جوداجودا، ب چەند قۆناغەكا ئەڤ ناسەقامگیرییەژی هەتا 26ێ هەیڤێ دێ یا بەردەوام بیت و تنێ ل جهێن بلندێن چیایی ئەگەرێ بارینا بەفرێ هەیە.
ئاراس جه‌بار، راگه‌هاند: ل 22ێ هەیڤێ چاڤەرێ دهێتە کرن کۆ نزمەپاڵەپەستۆیەکا سار ب سەر وڵاتێن باکوورێ ئەوروپا و پاشی ل رۆژێن 24 و 25 هەیڤێ ژبەر چالاکبوونا بلند یا پاڵەپەستۆیەکا بھێز لسەر دەڤەرێن باشورێ رۆژئاڤایێ ئەوروپا، ئەگەر ھەیە ئەو نزمەپاڵەپەستۆ جەمسەری ب ئاڕاستەی رۆژھەڵاتا ئەوروپا لڤینێ بکەت و پێشبینی دهێتە کرن کۆ ل 26ێ هەیڤێ بگەهیتە سەر تورکیا و رۆژھەڵاتا دەریا ناڤین، ئەنجامی ڤێ نزمەپاڵەپەستۆیێ ل 26ێ هەیڤێ دێ دەرکەڤیت ب سەر دەڤەرێن ھەرێما کوردستانێ ب ھاتنا شەپۆلەکا دژوار یا بەفر و بارانبارین و نزمبوونا پلێن گەرمێ و چوونە ناڤ قۆناغا سەرمایا زستانێ، کاریگەرییا ڤێ شەپۆلێ ژی دێ ب بەفر و بارانێ هەتا 28ێ هەیڤێ یا بەردەوام بیت، پێشبینییا بارینا بەفرێ دێ ل هەمی دەڤەرێن چیایی هێتە کرن دگەل ئەگەرێ داکەفتنا بەفرێ بۆ سەنتەرێ سلێمانیێ ب تایبەتێ د رۆژێن 27 و 28ی ڤێ هەیڤێدا و ب گشتی ئەو جهـ و باژێرێن کۆ ژ 700 مەتر ل ئاستێ ڕووی دەریایێ بلندترن، دێ کەشەکێ ل بار هەبیت بۆ بارینا بەفرێ، ژبەر مان و جێگیربوونا بارستەھەوایێ سار لسەر دەڤەرا مە هەتا دەست پێکا هەیڤا بهێت پلێن گەرمێ دێ داکەڤن و سەرما بۆ دەمەکێ نەدیار دێ یا بەردەوام بیت و ئەگەر گۆهرین ژی نەهێتە روویدان، شەپۆلەکا دی یا بەفربارینێ دێ ل دەست پێکا هەیڤا بهێت هەبیت.
تُتاح هذه الصورة أيضا في: کوردی
