فره‌نسا: هێرشێن ئیرانێ دێ زیانێ ب كوردستانێ گه‌هینن
گاڤ
وه‌زاره‌تا ده‌رڤه یا فره‌نسا هێرشا ل سه‌ر هه‌ولێری شه‌رمزار كر و راگه‌هاند، هێرشێن ئیرانێ دێ زیانێ ب كوردستانێ گه‌هینن.
شڤێدى پاسدارێن ئیرانێ ب 10 رۆكێتان هێرشى چه‌ندین جهان ل پایته‌ختا هه‌رێما كوردستانێ كر و ژ ئه‌نجامێ وێ ل گۆڕه‌یى دژه‌تیرۆرا هه‌رێمێ چار كه‌س شه‌هید بوون و 6 كه‌س ژى بریندار بووینه.
د به‌یانه‌كێ دا وه‌زاره‌تا ده‌رڤه یا فره‌نسا هێرشا پاسدارێن ئیرانێ ل سه‌ر هه‌ولێرێ شه‌رمزار كر و راگه‌هاند، هێرشێن ئیرانێ دێ زیانێ ب كوردستانێ گه‌هینن.
هه‌روه‌سا دیاركر، هێرش بنپێكرنا سه‌روه‌ری و ئاسایشا ئیراقێ یه و دڤێت ئه‌و هێرش ب چ به‌هانه بن بهێنه راوه‌ستاندن.
پشتى هێرشێ چه‌ندین وه‌لاتان هێرش شه‌رمزار كریه و ب بنپێكارى هه‌مبه‌رى سه‌روه‌ریا ئیراقێ ناڤكریه و ئیراقێ ژى دیاركریه، دێ سكالایێ ل دژى ئیرانێ تۆمار كه‌ن.
ئیران هێرشا ل سه‌ر هه‌ولێرێ ب به‌ره‌ڤانیكرن ژ ئاسایشا وه‌لاتێ خۆ د زانیت و دیاردكه‌ت، ئه‌و هێرش بۆ نه‌هێلانا گه‌فانه.
تُتاح هذه الصورة أيضا في: کوردی
